Lafaek News—Diretor NGO Lalenok Ba Ema Hotu (LABEH), direitor ezekutivu Christopher Henry Samson, indetifika governu halo deskriminasaun boot iha aplikasaun estadu emerjensia atu kombate transmisaun Covid-19 iha Timor-Leste.
Christopher hatoo asuntu ne’e iha salaun LABEH, bebonuk, Kinta (25-08-2021), banhira aprezeta rezultadu peskiza husi LABEH ba kazu Ró transip II, efetividade sesta bazika no avaliasaun ba governu nia maneira hodi solusiona Covid-19 iha Timor-Leste.
“Monitorizasaun ne’ebé LABEH halo iha fatin hotu hotu hatudu katak governu kria situasaun ida ne’ebé diferente i halo deskriminasaun iha fatin lubun boot ida,” dehan, Christopher.
Nia esplika, kondutor sira ne’ebé lori kareta bo’ot husi Dili ba Baucau no husi Dili ba Bobonaru barak la halo sira nia viazen maibe iha Dili rasik reativa atividade balun inklui Taxi, Mikrolet no buat hotu bele lao, ne’e deskriminasaun boot ba sira nia dependensia tula pasageiru.
Nia aforsa, prosesu halo identifikasaun no trata pasiente afetadu Covid-19 variante Delta, Ministru Saúde la aprezenta lolos ema ne’e maibe gernaliza deit katak husi munisipiu Ermera tamba dehan ema ne’e halo pasagen ilegal iha fronteira. Nia husu tenke halo aprezenta ema ne’e atu bele halo tratamentu seriu.
“Ita husu ba ministra favour ida indentifika sira ne’ebé ba halo sasan ilegal iha ne’eba aprezenta lori sira ba iha izolamentu para sira bele kumpri protokulu ne’ebé iha selae labele duun malu, se la aprenzenta sira ne’e ofende populasaun tomak,” dehan nia.
Nia afirma, governu tenke halo indetifikasaun lolos tanba fronteira Timor nian ne’e la’os de’it iha Bobonaru ka Suai, maibe iha mos Atauru, Vikeke no iha fatin barak.
Relasiona ho situasaun ida ne’e LABEH husu atu governu labele fó imajen ba publiku katak Covid-19 ne’e laos problema seriu, nia afirma pandemia ne’e problema boot ba kalamidade saúde publiku tamba ne’e bainhira atu taka fronteira, taka fronteira total.
Nia dehan, governu tenke tau seriedade atu trata asuntu kompate pandemia Covid-19 ho alternative halo vasinasaun ba komunidade tomak tamba nasaun boot sira ho nia populasaun barak sira konsege halo vasinasaun ba sira nia populasaun nune’e Timor-Leste ne’ebé ho populasaun ki’ik tenke halo vasinasaun.
“Husu ba estadu, governu favor ida tau saúde publiku ne’e importante i enxe saúde publiku ne’e ho sasan ne’ebé posetivu hodi ema hotu bele iha oportunidade atu ba hetan vasinasaun ba salva sira nia-an,” nia hakotu.
Estajiadu : Simão JMF
Editor : Agapito de Deus
