Lafaek News–Tuir dadus rejista pasiente Covid-19 ne’ebe lakon husi inisiu ezistensia virus korona iha Timor Leste, too ohin loron Ministeriu Saude rejista ona hamutuk 52, no kuarta (25/08/2021), ema nain 124 rekupera ona husi pandemia covid-19, kazu foun 361 no ativu 4.052.
Koordenadór forsas tarefas ba prevensaun no mitigasaun surtu covid-19 iha Timor-leste, Rui Maria de Araújo, relata total óbitu/ mate iha loron 25 Agostu 2021: 1 (ida), ho detallu hanesan tuir mai; Feto, idade 55, Timor-oan, hela iha Dili, seidauk vasina, iha 23 Agostu 202 diagnóstikadu sindroma insufisiénsia respiratória aguda (SIRA) tan bá Covid-19 (PCR pozitivu, CT Egene 29), no hahú halo tratamento iha Vera-Kruz, iha loron ne’e kedas,
“Matebian iha mós istória sofre moras tuberkuloze, no ohin dadeer matebian iis-kotu iha 09h10 dadeer,”esplika kordenadór ne’e liu husi komunikadu imprensa, Kuarta (25/08/2021).
Nune’e familia koordena hela ho ekipa saúde sira atu hala’o funeral tuir protokolu ne’ebé adopta iha Timor-Leste.
Enkuantu, kazu detetatu foun ne’ebé relata iha loron 25 Agostu 2021: 361 (iha Dili 270, Baucau 28, Bobonaro 12, Ainaro 10, Kovalima 7, Ermera 1, Lautem 4, Manatuto 8, Manufahi 7, Raeoa 6, husi total kazu detetadu foun ne’e mane 171, feto 190, pasiente hirak ne’e ho idade 20:65 (18%), ho idade entre 12-59 nain 272 (75,3%), ho idade 60:24, husi sira ne’e 137 kazus ka 38% maka sintomátiku (hatudu sintomas), no husi kazu detetadu foun sira ne’e 117 (32%) iha ona vasina kompletu no 32 (9%) hetan ona vasina doze dahuluk.
“Kazu rekuperadu ne’ebé relata ohin hamutuk: 124, kazu ativu ohin hamutuk: 4.052, total kazu konfirmadu kumulativu iha 25 Agostu 2021 (sura husi 21 Marsu 2020): 15.296.
Jornalista : Sandi Belo
Editór : Agapito de Deus
