Lafaek News–Koordenadór Forsas Tarefas ba Prevensaun no Mitigasaun surtu covid-19, Rui Maria De Araújo, relata SIJK-SS, rejista pasiente nain rua mate iha izolamentu Vera-Kruz, pasiente ne’ebe rekuperadu husi virus ne’e hamutuk 97, kazu ativu total 3.816.
”Pasiente sira ne’e rejista husi Dili, 532, Kovalima 75, Baukau 90, Bobonaru 15, Likisa 12, Manufahi 12, Ainaru 9, RAEOA 7, Vikeke 6,Lautem 4, Manatutu 3, Ermera 1, Kazu rekuperadu ne’ebé relata ohin, hamutuk: 97, total kazu ativu ohin hamutuk:3.816, no total kazu konfirmadu kumulativu iha 24 Agostu 2021 (sura husi 21 Marsu 2020): 14.935,esplika kordenadór ne’e liu husi komunikadu imprensa, Tersa (24/08/2021)
Kordenadór ne’e hatutan, iha loron 24 Agostu 2021, izolamentu Vera Kruz ho Lahane halo tratamentu ba kazu detetadu nain 69, iha área obstetrisia nain 10, medisina interna nain 40, sirurjia nain 5 no pediatria 5, perinatolojia 2, sira nain 9 iha obstetrisia, kategoria leve hotu, husi sira nain 47 iha medisina interna, 20 kategoria grave ( 4 uza ventilador, 1 ho CPAP-Continuous Positive Airway Pressure, 14 ho oksijéniu), 14 kategoria moderadu, 13 kategoria leve, nain 5 iha sirurjia, kategoria leve hotu, sira nain 5 iha pediatria, kategoria leve hotu, no nain 2 iha perinatolojia, kategoria leve hotu.
Governante ne’e informa, iha semana kotuk (16-22 Agostu), ema neebé baixa iha Vera-Kruz no Lahane, tanba COVID-19, hamutuk hotu 41/54 (76%) mak seidauk simu vasina, kompara ho ema nain 11/54 (20,3%) neebé mak simu ona vasina kompletu, no ema neebé seidauk simu vasina iha probabilidade boot liu dala-rua, atu baixa iha hospital, kompara ho ema neebé mak simu ona vasina.
Rui Maria de Araújo, informa total óbitu ne’ebé relata iha 24 Agostu 2021: 2 (rua), ho detallu hanesan tuir mai: Feto, idade 35,Timor-oan, hela iha Dili, seidauk vasina, iha 22 Agostu 2021, diagnóstikadu sindroma insufisiénsia respiratória aguda (SIRA) tan bá Covid-19 (PCR pozitivu, CT Egene 22), no hahú halo tratamento iha Lahane, iha loron nee kedas, no ohin dader matebian iis-kotu 05h10 dader.
Enkuantu, mane, ho idade 65, hela ida Dili, seidauk vasina, iha 23 Agostu 2021, diagnóstikadu sindroma insufisiénsia respiratória aguda (SIRA) tan bá Covid-19 (Rapid Antigen Test Pozitive), no hahú halo tratamento iha Lahane, iha loron nee kedas, no ohin loraik matebian iis-kotu 15h2, nune’e familia husi matebian nain 2 kordena hela ho ekipa saúde sira atu hala’o funeral tuir protokolu neebé adopta iha Timor-Leste.
Jornalista : Sandi Belo
Editór : Agapito de Deus
