Lafaek News–Sekretariu Estadu Koperativa (SEKoop), tersa (24/08/2021), fo tomada de pose ba membru kooperativa hamutuk nain 8 hodi dezenvolve setor ekonomia husi baze.
Prezidente Koperativa Adorado Tito Caitano, sente kontente ho prezensa SEKOP Elizario Pereira hodi atribui pose ba membru nain 8 atu bele implementa koperativa iha suku ne’e.
‘‘Ha’u kontete hato’o agradese wain tanba diretamente fo pose ba estrutura koperativa, tanba husi koperativa ne’e iha esperansa boot atu dezenvolve ho konsiensia rasik atu implementa iha Tutuala, ha’u apresia ba membru sira iha koperativa ha’u hanesan xefe suku fo paraben tanba hetan pose husi Sekretariu Estadu Koperativa rasik,’’ dehan Xefe suku Tutuala, Tersa (24/82021).
Total drijente estrutura ne’ebe simu pose hamutuk nain 8, antes harii kooperativa hetan formasaun husi diresaun SEKOOP iha suku Tutuala hanesan kooperativa Valusere, peskas no Uniaun Kreditu Aadorado.
Iha serimonia tomada de pose estrututra koperativa sira, SEKop, Elizario Ferreira husi membru koperativa hotu tenke fiar no sakrifisiu tanba atu koperativa ida atu la’o ho susesu presiza konsiensia no servisu ho vontade.
“Ohin imi hahu kiik ho kreditu UNIO imi iha grupo laran tenke fiar malu no imi tenke halo sakrifisiu, tanba vokasaun la’o ho sakrifisiu no problema ne’e sai mai ho dezafiu,’’ dehan Sekretario estadu nia intervensaun ba emposado sira iha suku Tutuala postu Tutuala.
Governante ne’e dehan, estrutura ne’e sei hetan akompaniamentu no sei hetan kreditu husi federasaun koperativa de kreditu Hanai-Malu hodi hetan kapital, no ema ida kreditu 1000 fulan sei selu de’it dolar 3, SEKOOP mos sei fasilita komputador surat-tahan no bele mos fo sede, maibe tenke ho membru barak invole ema too 250, no fasilita osan $.7500 hodi harii sede ba koperativa.
Jornalista : Acacio Pinto
Editor : Agapito de Deus
