Lafaek News(Kovalima)–Komandante Unidade Polísia Maritima (UPM), Superintendente Basilio de Jesus, informa sesta (20/08/2021) UPM kaer membru PSHT nain 5 ho profisaun funsionariu publiku (FP) inklui traballador kompania Telemor Maliana hakat dalan ilegal hodi sae sintu iha Indonezia.
Funsionariu nain lima ne’e profesor nain 1 (Ainaru), Ministeriu Saude nain 2 (Ainaru), ministeriu justisa nain 1 (AInaru) no ida servisu iha kompania Telemor Maliana.
“Ohin 20/08/2021 dader, ita nia membru UPM Suai halo kapturasaun ba membru arte marsiais nain 5 ne’e, iha funsionariu publiku 4 no funsionariu Telemor husi Maliana nain ida, dehan Komandante UPM Basilio ba lafaek news via telefone, sesta 20/08/2021.
Komandante UPM deklara, membru UPM iha Kovalima kaptura funsionariu publiku nain 5 ne’e kompletu ho atributu arte marsiais nian no mos tuir kronolojia sidadaun nain 5 ne’e ba iha loron 4 agostu 2021 no sae sabuk iha Indonezia iha loron 16 Agustu, no da-daun ne’e entrega ona ba ekipa aaude hodi kumpre karantina durante loron 14 nia laran.
Jornalista :Orlando Magno
editor : Agapito de Deus
