Lafaek News–Eis eskoltu Koni-Santana no eis Ministru Defeza no Seguransa setimu governu konstitusional atual deputadu bankada FRETILIN, Jose Agustinho Somotxo, afirma bainhira Fretilin realiza kongresu hosi hili estrututra foun, nia parte prontu hamutuk ho Rui Maria de Araujo kompete iha pakote eleiasun direta.
Somotxo deklara asuntu ne’e ba lafaek news liu husi telefone, segunda (16/08/2021), hafoin halo kna’ar reprezentante povu iha uma fuku Parlamentu Nasional, katak prontu kandidata an ba Prezidente Partidu Fretilin no Rui Maria de Araujo kandidata an ba sekretariu jeral Partidu Fretilin.
“Ha’u duni mak ko’alia kona-ba Intensaun Polítika hodi hamutuk Ho doutor Rui Maria de Araújo hakat ho pakote Ida ba Kompete,” katak eis gereleiru ne’e.
Somotxo reforsa, bainhira laiha konferensia ka eleisaun direta, sei laiha problema, tanba ne’e kompetensia lideransa orgaun partidu nian,
“Laiha Konferensia ou eleisaun direta ne’e kompetensia lideransa orgaun partidu nian ne’e laiha problema ha’u nia intensaun ha’u ko’alia ona la’ós halimar nian mak ha’u ko’alia iha públiku,” reafirma Somotxo.
Hatutan tan, bainhira eroi sira ne’ebe mate ba rai ne’e klamar moris fo kbiit no forsa tomak hodi kontinua sira nia obra FRETILIN ba oin atu konta istoria ne’ebe mo-mos no lolos ba maluk FRETILIN sira ne’ebe sei moris no familia mate-restu sira,tenke halo muadnsa ba FRETILIN.
“Intensaun ne’e mosu atu halo mudansa La iha intensaun seluk,” nia argumenta.
Somotxo dehan bainhira lakon iha eleisaun laiha hanoin atu sees an husi FRETILIN maibe mantein hodi apoiu nafatin FRETILIN ba oin.
“Uluk funu mós ha’u la halai kuanto mais iha demokrasia ne’e ha’u atu halai ba ne’ebé ha’u nafatin mantein iha partidu,” Somotxo hakotu.
Jornalista : Abeka Rai-Husar
Editor : Agapito de Deus
