Lafaek News–Bazeia ba desizaun ofisial husi Governu Republika Demokrátika Timor Leste (RDTL) liu husi Ministériu Transporte no Telekomunikasaun Timor-Leste (MTK) no Instituisaun Autoridade Nasionál Comunicasões ANC, deside ona katak kompañia Telekomunikasaun Indonézia International (TL), S.A (Telkomcel) sai hanesan vensedor ba konkursu lisensa Rádio Frekuénsi 2300 MHz ho kapasidade 20 Mbps iha Timor Leste.
Lisensa refere persija Implementa ho objetivu atu haforsa no hasa’e (upgrade) kualidade linha internet ba periodo tempu tinan 15 tuir mai, prosesu aumenta kapasidade espectrum ida ne’e atu haforsa kualidade rede internet no hatudu komitmentu kompanha Telkomcel iha atu hasa’e kapasidade linha internet hodi aselera prosesu infrastruktura rede internet no prosesu dizitalisasaun tenologia hodi hasa’e kualidade servisu linha internet nebe’e existe iha teritoriu Timor-Leste.
Chief Executive Officer (CEO) Telkomcel, Yogi Rizkian Bahar sublina katak, “Ami agradese tebes no hato’o obrigado barak tamba bele hetan konfiansa husi Governu RDTL liu husi prosesu selesaun tenderizasaun konkursu hodi utiliza fita frekuénsia 2300 MHz ho kapasidade volume 20 Mbps neeb’e mak realiza husi Instituisaun Autoridade Nasional Comunicasões Timor-Leste (ANC).
Investimentu ho periodo tempu naruk ida ne’e mos sai hanesan evidensia konkretu no hatudu mos komitmentu seriu husi kompañia Telkomcel atu serve no oferese servisu rede internet diak liu tan nebe’e maka hetan apoiu no suporta masimu husi kompanha Telin Group iha Jakarta – Indonezia konesidu ho naran PT. Telekomunikasaun Indonesia International (Telin), neeb’e maka hanesan iha asaun maioria ou bo’ot liu iha kompangan Telkomcel Timor-Leste.
Yogi aumenta tan katak “Prosesu upgrade bandwidth no frekeuensia ho kapasidade volume 20 Mbps ida ne’e mos nia objetivu atu garantia nesedidade konsumador sira hotu hodi aproveita servisu “The True Broadband’ internet ho asesu lalais, velosidade máximu, kualidade di’ak no uza teknolozia avansadu nian ho konfortavel tebes no mos bele haforsa ekosistema digital neeb’e inklusiva no sustentavel,” Yogy Rizkian.
Tanba ne’e, hein katak ho prosesu upgrade bandwidth ho espektrum frekuensia 2300 Mhz ho kapasidade fita 20 Mbps ida ne’e bele mos ajuda no haforsa dezenvolvimentu servisu broadband internet no supporta prosesu aselerasaun ekosistema dizitalizasaun iha teritoriu Timor-Leste tomak no utiliza kapasidade ho maximalmente no bele garantia kualidade liña internet broadband hodi suporta no apoiu ekosistema dizital iha Timor-leste, inklui mos komunidade indústria kreatividade dizital sira, komunidade komérsiu, importante bele motiva prosesu tranformasaun dizital iha Timor-Leste liu – liu ba dezenvolvimentu iha segmentu Edukasaun, Bankaria no mos negosiante mikro, ki’ik no mediu (UMKM) (*).
