Lafaek News—Prezidente Komisaun Funsaun Publika (KFP) Faustino Cardoso Gomes, informa liga ho situasaun Covid-19 impede atividade servisu liu-liu atendementu ba relatoriu anual, tan ne’e enkoraja funsionariu hotu-hotu tuir vasina.
Presidente KFP hato’o asuntu ne’e hafoin audensia ho Primeiru Ministru (PM) Taur Matan Ruak, hodi intrega relatóriu anual ba tinan 2020 nian, relatoriu ne’e intrega tarde tanba impede husi situasaun Covid-19 ne’ebé aplika Estadu Emerjensia no Konfinamentu obrigatoriu.
“KFP sei enkoraja ba funsionariu sira, liu husi komunikasaun, atu oinsa mak funsionariu públiku sira bele ba tuir Vasinasaun. Funsonariu sira iha KFP ne’ebé mak responsabilidade ba relatoriu sira ne’e mós afeita hotu ba moras Covid-19, ne’ebé mak tama hotu iha karantina no izolamentu, ne’ebé mak atende relatoriu ne’e ladun atendimentu ne’ebé mak seguru,” dehan PKFP Faustino Cardoso ba jornalista iha nia rezidensia Farol, Tersa (10/08/2021).
Prezidente KFP ne’e fundamenta, tuir Lei Komisaun Funsaun Publika ne’e tenki hato’o relatoriu iha fulan marsu kada tinan no tarde mós tenke entrega, tanba deit Covid-19 komisaun funsaun publiku (KFP) hatama relatorio iha fulan agosto nia laran.
Nune’e mós Presidente KFP relata, Primeiru Ministru mós fó orientasaun katak, tenki halo ona iha nova normalidade, maibe antes atu tama ba iha nova normalidade presiza iha rekezitu sira, tanba situasaun Covid-19 sei lalakon iha ita nia nasaun, tan ne’e PM informa ba KFP katak, Governu sei avansa ho kampaña vasinasaun, bainhira to’o porsentu (70%) ne’e tama ona ba iha situasaun nova normalidade.
Jornalista : Etelvina sarmento
Asiten editor : Pedro de Almeida
