Lafaek News— Ministra Solidaridade Sosial no Inkluzaun, Armanda Berta, informa durante iha implementasaun Estadu Emerjénsia governu halo papel no medida oiná apoiu ekonómikamente ba traballador.
Armanda Berta hatoo asuntu ne’e hafoin partisipa iha reuniaun extraordinario komisaun interministerial koordenasaun ba implementasaun medidas prevensaun no kontrolu surtu korona virus Covid-19 iha palasiu governu, tersa (10/08/2021).
“Sim, durante ne’e governu implementa hela medidas lubuk ida, apoiu trabalador no impregadore sira durante ne’e, seluk mak ita bele hare katak sexta bazika ne’ebé husi Ministeriu mak kaer no medidas 6 ne’ebé mak governu implementa no esforsu medida hotu hotu para bele proteze covid-19 labele dahet ba ita nia komunidade inklui mos ita nia an rasik,” dehan Armanda.
Vise Ministra ne’e akresenta, reuniaun komisaun interministeria ne’e atu diskuti hamutuk medida sira ne’ebé haree ba iha normalizasaun, sei haree fali iha tempu seluk atu foti desizaun maibé aprezentasaun xefe governu rasik mak dirije, oinsa atu bele sai ba normalidade.
Iha parte seluk esforsu governu nian oinsá kombate virus korona ne’e Ministreriu Saúde servisu hela halo vasinasaun no halo nafatin kampñia liu husi sosializasaun vasina atinji ona porsentu 70.
‘’Garantia atu ba iha normalidade no munisipiu Ermera mak sei implementa hela konfinamentu obrigatoriu tamba numeru Covid-19 no variante foun ne’ebé sae makas iha munisipiu refere ho nia grafiku kompara ho munispiu seluk nia sae ba 300 grafikus.
Estajiadu : Tome Exposto/Simão Fraga
Editór : Agapito de Deus
