Lafaek News—Ministru Obras Públiku (MOP), Salvador Pires husu ajénsia sira ne’ebé tutela ba iha MOP labele hamosu orsamentu adisional iha orsamentu jeral 2022 nian.
Ministru Obras publika hatoo asuntu ne’e, iha segunda (09/08?20201), iha salaun koneferénsia Hotel JL.Villa bainhira partisipa iha reuniaun aprezentasaun Mini Komite Revizaun Orsamentu OJE 2022.
“Ha’u hatete ba sira dehan katak labele hamosu adisionál, tenta atu kumpri pakote, maibé buat ne’e depende ba nesesidade, ohin sira aprezentasaun maske iha adisional ami sei deskuti, seidauk finaliza ida ne’e no hein katak ami bele kumpri pakote nune’e ami aprezenta laiha adisional,” Salvador dehan.
Ministru Salvador akresenta, objektivu husi enkontru ne’e kontinuasaun husi enkontru atu halo antes ne’ebé ko’alia kona-ba atribuisaun orsamentu fahe pakote ba kada ajénsia sira ne’ebé tutela ba MOP.
“Objektivu enkontru ohin ne’e, depois de ezersisiu husi Ministeriu Finansas halo atu liu pakote ho Ministeriu (MOP) depois ho akompaiña ho ami nia enkontru ne’ebé resente liu, ko’alia kona-ba atribuisaun orsamentu fahe pakote, fahe pakote iha tempu ne’eba ema barak entaun ohin sira mai aprezenta fali rezultadu ezersisu depois fahe pakote ba kada ajéensia sira inklui mos ajénsia ekonómika sira ne’ebé tutela ba MOP; EDTL no BE-TL, ne’eb’e benefisia husi orsamentu be transferensia publikas husi MOP” nia dehan.
Ministeriu Finansas atribui 157 milloens ba MOP no MOP halo benefisia fali ba ajénsia sira ne’ebé tutela ba MOP, ohin agensia sira ne’e halo aprezentasaun sira nia planu ba orsamentu no ida tuir pokote ne’ebé MOP fó, hanesan ba EDTL 90 miloens no BTL milloens 16.
“EDTL ami nia planu 90 milloens ne’e kobre ba konbustivel sira, projetu kiik sira, no sira mos iha hela orsamentu ne’ebé atribui iha tinan ida ne’e sira iha balansu, sira sei lori ba iha tinan ohin alende ne’e sira mos rekoila receita, tinan tinan receita 33 milloens, espera tinan ohin mai diak liu tan no ba BTL kuaze 16 milloens, ohin sira halo hela aprezentasaun no agora iha progresu hela. Katak ida ne’e sufisiente ba sira tamba ida ne’e orsamentu anual deit se ida ne’e la too iha 2022 ba 2023 ita bele haree fali orsamentu, alende ida ne’e governu iha kontegensia,” esplika, Salvador.
Orsamentu ne’ebé atribui ba iha EDTL ne’e kuaze bele ona atu sustenta atividade EDTL nian no operasaun iha tian ohin tamba EDTL rasik mos iha reseita rasik no iha tinan ida ne’e EDTL kuaze halo ona manutensaun 102 mil kontadores prepagu, halo kontrolu ba koneksaun illegal sira no mos ba kliente sira ne’ebé foun.
Estajiadu : Simão J.M. Fraga & Azilo
editor : Agapito de Deus
