Lafaek News–Segunda (09/08/2021), governu lansa diskusaun liña ministerial ne’ebé ldiera husi vise Primeira Ministra no Ministra Solidariedade Sosial no Inkluzaun, Armanda Berta, ho vise Ministru Saúde, Bonifacio Maucoli dos Reis, kona-ba implementasaun pfizer ba ema idade husi 12-17 iha munisípiu 4 risku ba variante delta kompostu husi Dili, Ermera, Kovalima no Bobonaru.
“Reuniaun komisaun entre ministerial ne’ebe lidera husi vise Primeira Ministra ami aprova ona kona-ba implementasun pfizer, maibé ita nia alvu ne’e ba liu idade 12 -17, portantu ita konsentra liu ba munisipiu 4 ne’ebe agora afeitadu liu liu Dili, Suai, Bobonaru no Ermera mak iha ona risku variante delta ” hateten vise ministru saude ba jornalista estajiadu iha salaun enkontru MSSI, segunda (09/08/2021).
Vise ministru saúde ne’e dehan, fijer ne’e sei simu iha fulan setembru husi kovak fasiliti ho 1600 dozes ne’ebe aplika ba idade 12-17 mai kraik ba munisipiu 4, iha labarik sira besik 181 mil inklui eskola no-mos la eskola, sira ne’ebe eskola iha 145 mil, sira ne’ebe la eskola iha 36 resin, hamutuk 180 mil hetan vasina pfizer.
Governante ne’e hatutan tan , governu iha planu sei sosa mos ho orsamentu estadu nian no mos orsamentu husi governu Austrália iha millaun 6.1atu bele sosa tan vasina mai intermus de preparativu hahu husi fulan agostu nia laran.
‘’ita dezenvolve ona mata dalan depois halo mapamentu no mos ita prepara korente malirin oinsa atu armazena vasina pfizer taba ita hatene katak nia so rai armazena iha temperatura ne’ebe menus husi 90% too 60% menus entaun atu asegura kualidade,’’ katak vise ministru saúde ne’e.
Ekipa kobertura : Estajiadu LN
Editór : Agapito de Deus
