Lafaek news–Tinan 38 ona levantamentu armada ne’ebé halo iha 1983 iha ne’ebé ema barak lakon vida, governu haluha maske kada tinan sobrevivente sira suku mehara, serelau no Leuro sai alvu ba levantamentu armada ne’e governu la tau konsiderasaun ba loron importante ne’e.
Iha ámbitu komemorasaun loron levantamentu ne’e, Amelio da Costa alias “Fatati” ba jornalista segunda ne’e iha suku Soru hateten, loron levantamentu armada ne’e liu husi dalan naruk ida hola parte iha prosesu ukun maibé governu la rekoñese.
“Levantamentu armada iha 1983-2021 ne’e halo ona tinan 38 governu la konsidera loron ne’e sai hanesan mós loron importante sira seluk hanesan 12 Novembru ami sobrivivente sira sente Triste ami husu atu governu rekoinese historia sira, Levantamentu armada ne’e simu orientasaun direta husi komandante supremiu Maun bot kay Rala Xanana Gusmao maibé
estadu la rekoinese loron ne’e sai loron importante ida iha RDTL ne’e ha’u duvida,’’ Fatati akresenta.
Fatin hanesan xefe suku Leuro postu administrativu Lospalos Carlito Viegas hatutan, loron levantamentu ne’e importante tebes ba suku tolu maibé sente triste tanba loron ne’e la sai hanesan loron boot nasionál ida.
Entertantu partisipa iha iha komemorasaun loron levantamentu ne’e sekretariu munisipiu Lautém komunidade husi suku tolu serelau, mehara no suku Soru kada tinan komunidade iha suku tolu ne’e sempre komemora loron ne’e ho objetivu funu hahú namlaik ona iha 1983 levantamentu armada hahú hamoris fali funu hodi mai libertasaun da pátria.
Jornalista : CE.Lautem
Edit or : Agapito de Deus
