Lafaek News—Komisaun Nasional Eleiçoes (CNE) sei konvida Prezidente Repúblika, Francisco Guterres Lú Olo atu partisipa iha lansamentu ba rezultadu peskiza aktus eleitoral iha Loron 12 Agusto tina ne’e.
Prezidente Komisaun Nasionál Elisoens (CNE) Alcino Barris hato’o asuntu ne’e hafoin hasoru malu ho atual presidente republika Francisco Guterres Lú-olo, husu atu partisipa iha lansamentu ba resultadu peskiza elitoral ne’ebe monu iha loron 12 Fulan Agustu.
“Ohin komisaun nasionál eleisaun mai inkontru ho Prezidente Repúblika husu audensia atu ba partisipa no halo hela lansamentu ba rezultadu peskiza komisaun nasionál eleisaun peskiza ba aktus eleitoral ne’ebé tuir programa sei lansa iha loron 12 fulan Agostu,” dehan Presidente CNE Alcino Bariis ba Jornalista sira iha Palasio Presidensial, Bairo Pite, tersa (03/08/2021).
Prezidente CNE afirma, kona-ba peskiza rezultadu ninia utilizadora provetamentu ne’e boot tebtebes tanba rekomenda ba governu, rekomenda ba Parlamentu, sai mós referensia ba estudante sira ne’ebé atu halo estudu mastradu doutoramentu tanba ne’e rezultadu ne’e CNE lansa hanesan referensia
Presidente deklara, tuir programa komisaun nasionál eleisaun nian sei konvida entidade barak inklui direjente partidu polítiku sira, orgaun soberania sira seluk organizasaun noun-governamentais sira.
Nia informa, iha programa lansamentu ne’e sei konvida mos orador prinsipál iha selebrasaun ne’ebé konfirmadu ona maka Bispo Don Vasilio do Nasimento, Dr. Jose Ramos Horta, tentativa hela hola parte mós iha orador mak Dr. Mari Alkateri Kay Rala Xanana Gusmão.
Jornalista : Rita Moniz
Asisten Editór : Pedro de Almeida
