Lafaek News—Ministériu Saúde deteta tan kazu pozitivu Covid-19 foun hamutuk 49, husi númeru ne’e iha Dili 27, Ermera 13, Baukau 2, Bobonaro 1, Kovalima 2, Raeoa 2, no Vikeke 2, kazu rekuperadu 46, kazu ativu 870.
“Ohin kazu detetatu foun iha dia 30 Jullu 2021: 49 (iha Dili 27, Ermera 13, munisípiu seluk hamutuk 9), husi total kazu nee: mane 26, feto 23, total kazu hirak ne’e ho idade 12:1, ho idade entre 12-59 nain 44 (89,7%), ho idade 60:4, no husi total kazu detetadu foun ohin, 49 kazus ka 18,4% maka sintomátiku,” informa Koordenadór Forsas Tarefas ba Prevensaun no Mitigasaun Surtu Covid-19, Rui Maria de Araújo, liu husi kumunikadu imprensa, Sesta (30/07/2021).
Rui relata, kazu rekuperadu ohin hamutuk: 46, kazu ativu ohin: 870, total kazu konfirmadu kumulativu iha 30 de Jullu 2021 (sura husi 21 Marsu 2020): 10.744.
Nune’e mós nia esplika, iha izolamentu Vera-Kruz halo tratamentu ba kazu detetadu nain 15, iha área obstetrisia nain 7, iha medisina interna nain 6, iha sirurjia nain 3, pediatria 1, sira nain 7 iha obstetrisia, kategoria leve (mild) hotu, husi sira nain 4 iha medisina interna, leve (mild) hotu kedas, sira nain 3 iha sirurjia, kategoria leve (mild) hotu, no ida iha pediatria, kategoria leve.
Jornalista : Sandi Belo
Asisten Editór : Pedro de Almeida
