Lafaek News—Ministériu Ensinu Superior Siensia no Kultura (MESSK) reuniaun ho konsellu reitores hodi diskute pontus prinsipal sira atu rekoperasaun aula online tanba iha prosesu aprendisajen iha uma estudante barak mak la asesu.
Ministériu Ensinu Superior Siensia no Kultura (MESSK) Longuinhos dos Santos, hato’o asuntu ne’e hafoin reuniaun ho konsellu reitores ohin loron kinta (29/07), iha salaun Delta Nova, iha ne’ebe diskute atu rekopera fali aula online inklui distribui fasilidade ba univesidade sira.
“Ita nia reuniaun konsellu reitores ne’e atu troka hanoin kona-ba atividade konfinamentu, suspensaun letivas prezensial ensinus superior nian no rekuperasaun aulas ba ensinu superior nian,” dehan MESSK Longuinhos Dos Santos iha salaun Delta Nova kinta (29/07/21).
Governante ne’e fundamenta, partisipasaun estudante iha aula online menus tanba estudante barak maka sei iha munisipiu no la asesu aula online, maibe fiar katak responsavel husi magnifiku reitor no presidente ensinu superior sira, kuandu taxa vasinasaun ne’e aumenta posibilidade reativa aula presenza, tanba ne’e MESSK sei fahe simbolikamente ekipamentus Covid-19 nian ba instituituisaun ensinu superior privadu no publiku sira iha TL.
“Ita sei fahe tan ekipamentu covid -19 nian liliu maskra hamutuk rihun 3010, hand sanitaizer rihun 2000, sabaun faseliman rihun 10.000 no termu skanner 40, ensinu superior ida ne’e ita sei fahe sinbolikamente ba maknifiku reitor sira ,no mós presidenti sira husi ensinu superior tantu publiku no mós privada sira,” dehan nia.
Iha fatin hanesan Reitor Universidade Nasional Timor-Lorosa’e (UNTL) João Soares Martins afirma, bainhira governu desidi ona atu loke fali aula prezensial sei implementa uluk aula rekuperasaun ba estudantes sira ne’ebé mak durante ne’e la iha prezensa iha aula online.
“Kuandu governu autoriza ita bele reativas aulas sira ne’ebé durante ne’e tuir aulas online la kompletu, ita prepara atu bele halo aulas rekuperasaun ke hanesan tinan-tinan ita halo ona,” hakotu Nia.
Jornalista : Etelvina Sarmento
Asisten Ediór : Pedro de Almeida
