Lafaek News–Relasiona ho notísia ne’ebé Media online Lafaek News Publika ho titulu “Inan Isin Rua Pinera Rai Henek Sustenta Nesesidade Uma laran,” kuarta (28/07/2021),ekipa Prezidente Repúblika apoiu imediatu nesesidade bázika ba Inan grávida Blandina Tunes.
Servisu Sosiedade Sivil Asuntu Sosiál Prezidénsia Repúblika, Jelia Fernandes informa, iha nia parte haree notísia lafaek news nian, sente triste tebes haree inan isin-rua halo servisu pineira rai-henek, nia parte konvoka kedan maluk sira ne’eb halo kna’ar iha palasiu prezidente hodi apoiu ba inan isin-rua ne’e.
“Apoiu ne’ebé ohin ami lori mai husi Prezidente Repúblika tuir kbiit ne’ebé prezidénsia Repéblika iha, maibe lolos ne’e asuntu ne’e kompeténsia minitériu relevante hanesan Ministeriu Solidariedade Sosiál inkluzaun nian,” dehan Jelia ba Lafaek News iha aldeia Moris Foun, Dili, Kuarta 28/07/2021.
Nia afirma, Blandina Tunes iha oan nain lima (5) hamutuk ho bebe iha kabun nain neen, inan feto ninia kondisaun grávida tebes no obriga an servisu tanba nesesidade uma laran.
“Ami haree Lafaek News nia notisia ne’e loos no klaru tan ohin ami mos haree ho matan saida mak inan feto isin rua ne’e hasoru iha nia moris,” nia deklara.
Lolos Ministériu Solidariedade Sosial Inkluzaun (MSSI), mak haree ba asuntu ne’e, maibé nudar aman ba nasaun hanesan Prezidente Republika iha hanoin atu fahe kbiit natoon ne’ebé prezidente iha ba ninia sidadaun sira ne’ebé moris iha susar-laran.
“Apoiu ida nee hanesan kontinuasaun, apoiu emerjensia no inundasaun nian neebe prezidente halao tiha ona ba familia vitima sira neebe hetan afetadu husi inundasaun foin lalais,” nia realsa.
Iha fatin hanesan Inan grávida Blandina Tunes dehan, nia sente apresia no orgullu ba buat ne’ebé ekipa Prezidente Repúblika nian Ne’ebé fo ona apoiu ona nesesidade ba sira.
“Ha’u sente apresia ba sasan ne’ebé iha mak sira fo ona mai ami maske natoon, maibé ha’u nafatin apresia, ha’u nia obrigadu mos ba media online lafaek news neebe mak buka ami hodi publika ami nia lian,” Blandina Apesia.
Entretantu Nesesidade bázika ne’ebé ekipa husi Prezidente Repúblika nia fo ba inan feto mak hanesan, Sanan 1, Tasu 1, eskoba kose nehan bunkus, pepsoden, masin Garam dox 1, fos saku rua, Sabaun Dos baluk, Enerjen dos 1 rinso (daya), dos ida, Sedaap dos 1, mina goren litru 5.
Jornalista : Orlando Magno
Editór : Agapito de Deus
