Lafaek News–Polísia Nasionál Timor Leste (PNTL) munisípiu Lautem kaptura sidadaun ida (;Lautem-oan) ho inisial G iha loron 26 fulan Jullu ne’ebé deskonfia envolve iha rede na’ok motor, PSIK nasionál evakua kedan autor ne’e ba Dili halo investigasaun.
Komandante PNTL munisipiu Lautém superintendente Polísia, António Rego Fernandes, informa suspeitu ho inisial G tuir mandadu detensaun abitante ne’e envolve iha furtu agravadu, ne’ebé akontese iha munisípiu Dili iha tinan kotuk.
“Mandadu detensaun ho nune’e nuk 0232 ne’ebé durante ne’e ita nia investigasoens sira husi munisípiu Dili hetan tiha mandatu ne’e buka tuir la hetan iha Dili, ami bazeia mós ba mandadu ne’e ami kaptura depois entrega ba PSIK nasionál hodi lori ba prosesu,’’ katak António Rego Fernandes ba lafaek news, kuarta (28/07/2021).
Komandante PNTL Lautem ne’e hateten abitante ne’e hanesan autór ida maibé polísia investigasaun sei dezenvolve kontinua husu informasaun ba autór ne’e atu nune’e bele deskobre nia maluk sira ne’ebé hamutuk ho nia hodi halo atividade ne’e na’ok ne’e.
Autor ne’e Polísia Siéntifiku Investigasaun Kriminal (PSIK) nasionál lori ona autor Lautem-oan ba munisípiu Dili iha loron tersa (27/07/2021), iha parte loraik ho objetivu hodi halo investigasaun.
Jornalista : CE.Lautem
Editór : Agapito de Deus
