LafaekNews–Universidade Orientál Timor-Lorosa’e(UNITAL), liuhusi Fakuldade Ekonomia, asina nota intendimentu ho parseiru husi instituisaun hamutuk hitu (7) kompostu husi m édia Lafaek News, CDTL, ETBU, FHH, Fundasaun Orat óriu DOm Bosco no Rui Printing ho objetivu servisu hamutuk dezenvolve set or edukasaun iha Timor Leste espesial defisi énsia.
Tuir Dekanu Fakuldade Ekonómia, Casimiro Soares,hateten, Asina nota intendimentu ne’e hanesan meius ida oinsá hakbesik liu tan iha ensinu edukasaun liu liu iha UNITAL nian espesial liu ba ema sira ne’ebé ho defisiénsia para sira asesu ba edukasaun.
“Asina nota intendimentu ne’e ohin iha parte tolu, ida mak, media profesionál, ida ho kompañia sira ne’ebé liga ho produsaun hanesan farda ba estudaunte sira, nomos ida seluk mak ho asina nota intendimentu ho intituisaun sira ne’eb’e iha hodi bele estudante sira ba pratika iha ne’eba,”dehan Dekanu Ekonomia, hafoin Casimiro Soares, hafoin asina nota intendimentu ho instituisaun hitu iha fatin fakuldade ekonómia UNITAL, Bekora, 26/07/2021.
Dekanu ne’e afirma, nota intendimentu ne’e hala’o dadauk ne’e parte ida husi programa anterior nian ne’ebé sempre hala’o serbisu hamutuk ho parseiru sira para bele fasilita ema ho defisiente bele asesu ba ensinu edukasaun nomos intituisaun sira seluk.
Nia informa, desde 2010 kedas ema ho kondisaun defisiénsia ne’ebé asesu ba ensinu edukasaun UNITAL hamutuk na’in haat no oras nee dadauk graduasaun ona
“2021 ne’e hanesan espasu boot ida ba ema ho defisénsia ka noun defisiénsia atu asesu tan iha UNITAL ne’e, planu 2021 UNITAL prontu simu nafatin ema ho defisénte atu aprende iha UNITAL, esplika dekanu.
Iha Asina nota intendimentu entre intituissaun sira ho UNITAL kompostu husi media online lafaekNews.com, AHDMTL, CDITL, ETBU, FHH, Fundasaun Dom Bosco, no Rui Printing.
Asina nota intendimentu ne’e mós hetan partisipante masimu estrutura Universidade hanesan, Vice-reitór, dekanu fakuldade ekonomia, no xefe departamentu, dosente sira inkluí estudante sira husi fakuldade ekonomia.
Jornalista : Egidio Nono
Editór : Agapito de Deus
