Lafaek News-Ministru Edukasaun, Armindo Maia informa, pulsa internet ba estudante ensinu báziku no ensinu Sekundária Jerál sei iha prosesu laran.
“Lina internet ne’ebé atu fó apoiu ba estudante EBC no ESG sira dadaun sei iha prosesu, ho ida ne’e ita sei hein kordenasaun husi ita nia kompañia 3 ne’ebé atu oferese liña internet mai ita, tanba iha kompañia ida atu oferese lina internet gratuita to’o tinan ida,” dehan MEJD Armindo Maia ba jornalista sira iha salaun INFORDEPE, kinta (22/07/2021).
Pulsa ne’ebé mak MEJD atu fó apoiu ba estudante sira ne’e, sira foti osan husi orsamentu ratifikativu ho montante $ 3,2 milliaun ne’ebé aloka ba ba iha MEJD, ho ida ne’e sira sei ezekuta ho di’ak atu nune’e fó apoiu pulsa ba internet ba estudante sira.
Tuir dadus ne’ebé MEJD iha estudante ne’ebé simu apoiu pulsa internet ne’e hamutuk 21,551, atu nune’e bele akompania programa eskola ba uma ka aula online, orsamentu ne’e sei bele ezekuta iha tempu besik, no orsamentu ne’e hetan ona promulgasaun husi Prezidente Repúblika.
Nia dehan, Bazeia ba ida ne’e MEJD espera katak iha fulan jullu nia laran bele ezekuta ona programa ne’e, atu nune’e estudante sira bele asesu ba material online nian, maske kleur maibé sei nafatin realiza.
Iha fatin hanesan, Koordenador do Kurrikulu Nasional, Pedro Ribeiro Gonçalves, informa ona katak, Programa eskola ba uma ne’e sei implementa liu husi Radiu, Telivizaun, Online no youtube, atu nune’e fasilita estudante sira hodi estuda iha uma.
“Ita implementa ona programa eskola ba uma ou lansamentu eskola ba uma no tele-eskola ba siklu 3, eskola sekundaria jeral inklui tekniku vokasaional ho ida ne’e ita nia estudante sira bele assesu aprendijazem liu husi, televizaun (eskola ba uma ou tele-eskola), youtube (Eskola ba uma), Facebook (eskola ba uma), no aplikasaun (eskola ba uma)”, dehan nia.
Nia dehan, Iha tinan kotuk MEJD lansa ona programa eskola ba uma ho ida ne’e prosesu aprendijazen ba dauluk iha TL liu husi televizaun no radiu, maibé ho ida ne’e agora da-daun kazu covid-19 sa’e ba beibeik Relasiona ho ida ne’e posibilidade MEJD sei suspende nafatin aktividade prezensial iha eskola no fatin ba funsionariu iha tempu naruk, atu garante prosesu aprendijazen kontinua nafatin garante aprendizajen distansia ho disponivel durante tempu difisil sira.
Nia afirma, Bazeia ida ne’e estudante, professor inklui inan-aman sira ne’ebe mak uza plataforma hirak ne’e define katak aprendijazen distansia ne’e presija posivel tebes ho covid-19 iha timorleste, maske iha dezafiu barak hanesan kolektividade ba asesu materia ne’ebe mak lansa ona iha tinan kotuk ne’e mak materia ba ensinu baziku no segundu siklu hamutuk ho ekizediu 68.
MEJD sei kompleta materia sira ne’e ba ensinu baziku terseiu siklu nian no esnsinu sekundariu jeral inklui ensinu sekundaria tekniku vokasional, maske seidauk hotu maibé sira hahu ona ba parte hotu liu-liu ba media nasional sira hanesan Eletroniku, inprime no online atu fahe no fo sai materia sira ne’e atu nune’e aprendijazem ne’e disponivel iha sira durante tempu defisil nia laran.
Jornalista : Sonia de Almeida
Editor : Agapito de Deus
