Lafaek News—Arsebispu Metropolitanu Dioseze Dili (AMDD) hasoru malu ho Ministério Ensinu Superior Siensia no Kultura (MESSK), entrega ona dokumentu atu loke Universidade Katolika Timorenese (UKT) iha Balide.
Tuir Arsebispu Metropolitanu Dioseze Dili, Virgilio do Carmo da Silva informa, institutu universidade katolika entrega dokumentu atu loke eskola universidade katolika timorense nian.
“Ami ekipa mai (MESSK) hili dia 16/07, tanba iha 19/03 festa São Jose nian mak ami entrega karta pedidu abertura ba prosesu, entaun ami determina ohin mai entrega dokumentus ne’ebé tuir padaraun instituisaun atu loke Universidade Katolika Timorense UCT”, dehan Arsebispu Virgilio do Carmo da Silva ba jornalista sira iha salaun MESSK Kolmera, Sesta (16/07/2021).
Arsebispo dehan, Universidade ida ne’e lolos hari’i hahú kedas husi dom Carlos Filipe nia tempu, nia forma ona ekipa ida halo estudu abilidade too dom Albertu nian no hahú ho infra-estrutura rua maibé la konsege tanba nai maromak bolu, tan ne’e ohin mai entrega fali dokumentus.
Iha fatin hanesan, Diretora Jeral Ministériu Ensinu Superior Siensia Kultura (MESSK) Filomena Lay hatete, Dioseze Dili mai entrega dokumentu no kordena atu loke universidade katolika Timorense iha Balide.
“Ami entrega kadernu padaraun lisensiamentu ba univesidade nain sira, iha ne’eba hare’e no kompleta liu-liu ba ensinu superior simu dokumentu husi futuru Universidade Katolika Timorense UKT,” hatete Diretora Jeral Filomena Lay.
Jornalista : Sonia de Almeida
Asisten Editór : Pedro de Almeida
