Lafaek News—Koordenadór Forsas Tarefas ba Prevensaun no Mitigasaun Surtu Covid-19, Rui Maria de Araújo, liu husi komunikadu imprensa informa, ohin kazu Covid-19 ne’ebé rekuperadu ona 61, tetetadu foun 37 no ohin loron baixa hamutuk 890 iha sala izolamentu.
“Kazu detetadu Covid-19 foun ohin hamutuk 37, iha Dili 21, Baucau 10, Bobonaro 4, Likisa 1, no Viqueque 1, nune’e kazu rekuperadu ohin hamutuk 61, atual baixa 890,” dehan Kordenadór forsas tarefas ba prevensaun no mitigasaun surtu Covid-19, Rui Maria de Araújo, kinta (15/07/2021).
Husi kazu foun 37 ne’e mane 23, feto 14, kazu hirak ne’e idade 60 nain 1, total kazu foun ne’e 5,4% maka sintomátiku (hatudu sintomas). No kazu konfirmadu kumulativu iha 15 de Jullu 2021 (sura husi 21 Marsu 2020): 9997.
Koordenador dehan, ohin dia 15 Jullu de 2021, izolamentu Vera Cruz halo tratamentu ba kazu detetadu nain 16, iha área obstetrisia nain 4, iha medisina interna nain 9, iha sirurjia nain 3, no sira nain 4 iha obstetrisia, kategoria leve (mild) hotu, husi sira nain 9 iha medisina interna, 3 grave (1 ho ventilador, 3 uza oksijéniu), nain 6 leve (mild), no sira nain 3 iha sirurjia, kategoria leve (mild) hotu.
Enkuantu liga ho situasaun Covid-9 iha Timor Leste resjita kazu konfirmadu 9,60, ativu 914, mate 25 no rekuperadu hamutuk hotu 9,021, no iha nasaun vizinu Indonesia kazu konfirmadu 2,670,046, kazu ativu 443,473, rekuperadu 2,157,363 no mate hamutuk 69,210.
Jornalista : Sandi Belo
Asisten Editór : Pedro de Almeida
