Lafaek News-Fundu Dezenvolvimentu Capitál Humano (FDCH) sei anunsia totál kanditadu hamutuk 410 ne’ebé selesionadu atu sai benefisiaríu ba bolsu estudu hakbi’it família hodi estudu iha instituisaun ensinu superiór privadu.
Diretora ezekutiva (FDCH) Leila M.L. Carceres dos Santos, hateten, FDCH durante ne’e konsege halo ona selesaun no aprovaona kandidatura ne’ebé admitidu ka pasa ona hamutuk 410.
”Ita konsege halo selesaun no aprovasaun kandidatu ne’ebé admitidu ka pasa hamutuk 410 hodi asesu ba hala’o estudu iha instituisaun ensinu superior no privadu sira ne’ebé mak antes ne’e estabelese ona memorandu entendimentu ho FDCH.” hateten diretór ezekutivu (FDCH) Leila M.L. Carceres dos Santos iha komunikadu emprensa iha salaun ministeriu enesinu superiór na kultura Dili tersa (13/07/2021)
hatutan, programa ne’e FDCH halo koperasaun entre (MESSK), nomos Konsellu Administrasaun, Ministériu Edukasaun, Juventude no Desportu (MEJD) no Ministériu Solidariedade Sosial no Inkluzaun (MSSI) ho intensaun halo inskrisaun ba kandidatu bolseiru sira hosi familia kbi’it la’ek sira atu asesu ba iha universidade privadu sira, no benefisíariu ba programa bolsa estudu hakbi’it ne’e sei hala’o sira ninia estudu iha área estudu sira hanesan Agrikultura, Edukasaun, enjenária, Saúde no turizmu universidade ne’ebé sira ida-idak deside.
Enkuantu durante inskrisaun ba programa bolsa hakbi’it ne’ebé hala’o iha munisípiu hotu nomós Rejiaun Administrativa Espesial Oe-Cusse Ambeno (RAEOA), ekipa husi FDCH-MESCC simu ona dokumentu hamutuk 1500 ne’ebe liu iha prosesu verifikasaun.
Tuir planu semana ne’e FDCH sei anunsia husi data 13 jullu 2021 kona-ba rezultadu kandidatu sira ne’ebé selesionadu ba vaga bolsa estudu no sei manda ofisíalmente naran sira ba prezidente autoridade munisípiu ida-idak inkuí RAEOA, karik simu karta notifikasaun hosi familia sira ne’ebé mak la’os kategoria kbi’it la’ek sei kansela tuir regulamentu ne’ebé máka iha, nia hakotu.
Jornalista : Manuel Andrade
Asisten Editór : Egidio Nono
