Lafaek News–Primeiru Ministru (PM), Taur Matan Ruak, alerta populasaun hotu evita an ona senáriu tuir sei ameasa husi variante delta ho alpha iha ne’ebé ameasa ona iha país viziñu Indonézia.
‘’variante foun ne’e iha tiha ona ita nia odamatan, se ita haree iha ita nia situasaun ne’e iha evolusaun kona ba COVID 19 ne’e influensia boot iha ita nia situasaun rai laran, se ita boot sira haree iha tinan ida ne’e, marsu no abril ba oin, kuandu indonesia sa’e makas ita iha Timor Leste tama kedas ba iha kontájiu komunitáriu iha agora iha ne’ebá ne’e Lockdown makas loos,’’afirma Taur Matan Ruak hafoin hasoru malu ho PR iha Palasiu presidensiál Bairru-Pite, kinta 08/07/2021.
Taur dehan, ho ida ne’e Timor Leste mos tenke prevé makas, hodi taka oinsá karik variante ne’e tama tenke preparadu, Timor Leste hein preparadu buat at, maibé hein buat di’ak ba senáriu pior.
“Ohin ha’u mai enkontru ho Presidente Repúblika ko’alia kona-ba atividade governu nian hanesan COVID19, no mos variante foun ne’ebé da-daun ne’e komesa mosu ona iha ita nia nasaun viziñu sira”,
PM mós, apela ba Sidadun sira hotu, tenke prepara an ba senariu poir ne’e, PM kontente tanba Vasina lao di’ak, resultadu COVID19 iha Dili no fatin seluk mos komesa tun ona, Xefe Governu ne’e afirma.
Taur salienta, Prezidente Repúblika mós preukupa tebes, ho variante ne’e, tanba variante foun ne’e da-daun ne’e iha ona nasaun viziñu Indonézia, perigu loos PR mós husu atu tau matan nafatin ba fronteira, no avansa halo vasinasaun.
Jornalista : Rita Moniz
Editor : Agapito de Deus
