Lautem-(Lafaek News)–Uma kain 200 resin Iha suku Wairoque postu administrativu Luru munisipiu Lautém, seidauk asesu eletrisidade ne’ebe instala husi aldeia Wairia ho disransia kilu metru 7 ba suku ne’e Iha 2014, responsabiliza husi kompania Divita.
Xefe Suku Wairoke Augusto Marques, konsidera kompania Divita seidauk finaliza projetu eletrisidade Iha suku ne’e, tanba realidade uma Kain besik atus rua resin seidauk asesu naroman hanesan uma kain seluk, tan ne’e husu kompania tenke responsabiliza.
“Eletrisidade iha suku ne’e kuandu aat ami hola inisiativa rasik hodi hadia ahi ne’e mai ami nia suku ami liga ba EDTL Lautém sira labele mai hadia, tanba kompania seidauk entrega obra ne’e ba EDTL munisipiu, ha’u hato ona asuntu ne’e ba administradór munisípiu Lautém, maibé dehan ne’e problema kompania no EDTL, maibé ba interese ita nia inan aman sira ne’e ami husu nafatin atu kompania divita ho komapnia Wairoque Constuction Unpesoal atu finaliza obra nune iha avaria ruma EDTL bele mai hadia,” katak Xefe Suku ne’e.
Iha familia uma kain 102, asesu ona iña eletrisidade ne’ebé kaer husi kompania Divita, maibé familia uma kain atus rua resin mak seidauk assesu ba liña eletrisidade iha suku ne’e, kompania rua ne’e Wairoque Construction mak hetan projetu ne’e hodi fo Divita halo iha 2014, maibé too oras ne’e seidauk entrega kuaje aldeia 4 iha suku Wairoque la assesu ba liña eletrisidade.
”Husu kompania ne’e tenke responsabiliza, kona-baproblema saida mak halo komapnia sira la kontinua ona obra ne’e , ha’u mos la hatene problema hodi dehan de’it komapnia rua ne’e nia na’in agora hela iha Dili,” Agusto Marques afirma.
Jornalista : CE.lautem
Editor : Agapito de Deus
