Lafaek News–Nesesidade bazíku sai fator importante ba familia uma laran ne’ebe harii husi Leopoldinho da Costa ho Maria da Costa Mamo, moris laiha rendimentu nune’e obrigadu Zelino da Costa tenke fan manu-tolu daan buka osan sustenta aihan uma laran.
Zelino ho idade tinan 11, tuir lolos idade ne’ebe depende iha Iman aman hodi fo atensaun oinsa bele asesu edukasaun no Iha direitu moris Iha ambiente hakmatek no protezidu, maibe situasaun ekonomia Uma laran la sufisiente inan-aman tenke obriga oan ba buka osan hodi atende nesesidade uma laran.
Leopoldinho da Costa orijen husi postu administrativu Maubisse munisipiu Ainaru, no nia kaben Maria da Costa Mamo husi postu administrativo Passabe ,rejiaun Administrativu Espesial Oe-kusse Ambenu (RAEOA ), dezde tinan 10 hela iha kost buka moris Iha Dili ho oan nain neen, nain rua hela ho familia husi Leopoldinho, no rush seluk hela Iha Oe-kuse ain hat hela ho sira hamutuk Iha kost nune’e bele ajuda lisuk buka osan, Zelino ho Nia main ida mak hela hamutuk ho inan-aman hodi buka netik osan liu husi fan manu-tolun daan.
Hafoin jornalista lafaek news halo intervista ho Zelino da costa mamo idade 10, iha merkado taibesi hateten, nia fa’an manu tolun da’an laos obriga husi nia ama ho apa maibe nia rasik deside hakarak fa’an hanesan alternativo ida hodi ajuda
Aantes ne’e ha’u nia ama fa’an sasan iha merkado Taibesi, maibe agora moras fisur kona hela iha ain-tur no labele lao no fa’an sasan depois apa mos idade avansado ona entaun ha’u dehan ba ama tenki hola manu tolun mai ha’u fa’an hodi ajuda apa ho ama .’’haktuir labarik idade 10 ne’e ba jornalista lafaek news iha merkado taibes tersa semana ne’e.
Konsikuenisa tenki simu realidade moris ne’ebe hatudu ba familia ne’e ,liu-liu fó impaktu ba labarik sira nia liberdade hodi estuda no halimar, tanba tempu seidauk to’o atu bele hala’o atividades sira hanesan la’o Iha loron manas hodi fan manu-tolun.
Iha kodigú ba labarik iha kapitúlo III, direitu ba edukasaun no prinsipíu kona-ba sistema edukativu iha artigu 25, labarik iha direitu ba edukasaun ho kualidade no respeitu ba oportunidade hanesan, labarik sira hetan benefísiu husi profesores materiais dedikativu lokais no instalasaun no rekursu adekuadu no goza ambiente ne’ebe favoravel.
”Ha’u agora eskola iha ensino báziku 1,2 siklu aituri-laran ho klasse III,no hela ho apa ho ama maibe agora eskola taka hela tamba moras corona entaun ami la ba eskola ha’u deside tempo ne’e osan mean mai ha’u hodi ajuda apa ho ama maske fa’an manu tolun da’an.’’dehan zelino da costa mano iha intervista.
Nia hatutan tan, la’os nia de’it maka buka osan ba nia familia ne’e maibe nia hamutuk ho nia maun ne’ebe maka oan dahuluk husi familia ne’e, Ameu fan trambulan dudu haleu merkadu Taibesi no dala ruma laiha fatin de’it tenke la’o sai ba do’ok no nia alin zelino fa’ manu-tolun da’an hodi hadulas iha merkadu Taibesi.
“Ha’u nia maun ida primeiro ne’e fa’an trambulan no ha’u nia feton ida tuir ha’u nia maun ne’e ajuda ama iha uma hodi tein no hare ama nebe’e maka durante ne’e moras hela, osan nebe’e maka ami hetan rai hamutuk iha tempo ida mai sei ba visita avo sira nia rate no ba hare alin nain nebe’e maka hela ho ema iha oe-cusse.’’ Nia deklara.
Nia reforsa,osan nebe’e maka ninia ama lori sosa manu-tolun ne’e hamutuk dollar 3. 75 sentavus no nia fan ho sorte ne’ebe di’ak sei hetan to’o dollares 7,75 sentavus, tanba depende ba ema ne’ebe sosa.
”Dala ruma ha’u fa’an komesa iha dadersan nakukun to’o meiudia mos la hotu entaun ha’u tenki fa’an to’o lokraik se la’e bele to’o iha rai kalan, se la hotu ha’u fila ba uma ha’u nia ama la hirus ha’u no ha’u fila lori osan la to’o tanba ema sosa ladun barak .” zelino esplika.
Ikus liu iha intervista labarik idade 11 ne’e hato’o mensajem furak ba nia maluk labarik sira hotu nebe’e maka namkari iha teritoriu timor laran tomak katak labele moe atu buka moris no labele soe tempo no estraga tempo tamba tempo maka osan mean no estraga tempo iha minuto balun deit maka sei lakun buat lubun ida iha minuto ida nia laran.
Jornalista : Manuel Andrade
Editor : Agapito de Deus
