Lafaek News—Edifisiu foun ba Fakuldade Siensia Saude UNTL Kaikoli ne’ebe finaliza ona konstrusaun, Ministériu Ensinu Superior Siensia no Kultura (MESSK), Longuinhos dos Santos husu estudante no rofessores iha fakuldade ne’e tenke kuidadu no uza ho didi’ak.
“Ha’u hakarak husik hela lia menon ba fakuldade iha edifisiu foun ne’e persija fó apela ba estudante presija kuidadu no uja ho didi’ak, agradese ba servisu no apoiu ne’ebé ita nia parseiru dejenvolvimentu sira fó ona ba UNTL, ne’ebé funsionamentu ba fakuldade medisina no siensia saude nian,” dehan Longuinhos dos Santos ba jornalista sira hafoin ingura edifisiu foun iha fakuldade siensia sosiais UNTL, Kaikoli tersa, (06/07/2021).
Nia hatutan, funsionamentu edifisiu foun ida ne’e UNTL sei hetan kondisaun ne’ebé di’ak liu atu kumpre nia misaun hodi forma kursu ne’ebé iha kualidade liu-liu ba foin sae sira, dezafiu atu hadia fasilidade ne’eb’e di’ak tenke instalasaun ida diak, tanba edifisiu ne’e iha karakterizada adekuadu duni ba fakuldade siensia saúde.
“Edifisiu ida ne’e asegura kondisaun hirak adekuadu ba formasuan profisionál saúde nian, ne’ebé sei kontribui ba Timor-Leste atu sai paiz ida ne’ebé ho kualidade moris di’ak liu no asesivel ba ema hotu,” tuir nia.
Reitor UNTL Joao Soares Martins, sublina, konstrusaun edifisiu foun ne’ebé finaliza ona ne’e, fatin ida foun tebes ho kualidade atu fo mahon ba estudante sira atu bele hala’o aprendisajen ho di’ak.
“Ha’u hanoin ho fatin ne’e di’ak ba ita, ita kolia konaba hasa’e kualidade ensinu superior hasae kualidade ensinu no mós peskiza, ita tenke iha fatin ne’ebé mak bele fó mahon di’ak ba ita fó konfortu ne’ebé mak di’ak para ita bele servisu ho di’ak. I nune’e ita bele dezenvolve nasaun ida ne’e, ita bele prepara di’ak liutan ba ita nia futuru jerasoens, tantu iha area saúde nian no mós area sira seluk ne’ebe mak iha UNTL laran,” nia infroma.
Entertantu konstrusaun Edifisiu foun ba fakuldade Siensia Saúde (FSS) UNTL, aula hamutuk 18, haris fatin 18 feto no mane, andar 3, ne’ebé konstrui husi Kompaña Liner And Algiseng UNIP.Lda, durante tinan rua ho orsamentu ba edifisiu ne’e rasik ho valor $ 678.572.97.
Jornalista : Sonia de Almeida
Asisten Editór : Pedro de Almeida
