Lafaek News—Estudantes Universidade Nasionál Timor Lorosa’e (UNTL), Fakuldade Siensia Sosiais (FCS), ejiji reitór atu fó oportunidade hanesan ba estudantes siensia sosias no siensia saúde atu utiliza aula edifisiu foun ne’ebé inagurasaun ona.
“Ami husi estudante FCS halo ona pedidu ida ba reitór bele fó oportunidade mós ba ami atu hetan direitu ba asesu edifisiu foun ne’ebé mak inagura ona,” dehan representa estudante FCS Senadu Antonio dos Santos ba jornalista sira hafoin partisipa serimnoia inagurasaun edifisiu foun UNTL, iha kaikoli, Tersa, (06/07/2021).
Nia hatutan, fakuldade siensia sosiais iha departamentu hitu (7) edifisiu ida ho sala sia (9), no estudante barak liu balun iha liur máka akompania dosente hanorin tanba aula lasufisiente.
“Ami nia aula ne’eba klo’ot liu dalaruma estudante hamutuk 80 mak iha aula ida no estudante balun hamriik de’it iha liur mak akompnha dosente sira hanorin, tanba fatin lasufisiente,” katak Senadu.
Senadu mós husu ba reitór atu haree mós ba fakuldade siensia sosiais nia aula ne’ebé komesa fohuk no a’at no balun komesa monu ba dadauk ona.
“Ami nia aula agora fohuk ona balun komesa monu dadauk ona balun atu monu mate estudante sira no bee tama to’o iha dosente sira nia fatin kuandu udan bo’ot mai ami hamo’os kolen-kolen sira tur iha fatin di’ak sira la preokupa, tanba ne’e ami fakuldade sineisa sosais tenke fó aula 8 no 10 ba fakuldade sinesia saúde,” nia rekomenda.
Hatan ba preokupasaun ne’e reitór João Soares Martins, hatete, fakuldade siensia sosiais hanoin sira mós bele uza edifisiu nee, maibé desde konstrusaun edifisiu nee ba fakuldade Siensia Saúde.
“Ha’u mós la espera buat ne’e akontese, maibé ida ne’e mesak UNTL nia ema de’it ne’ebé ita matenek nain sira tenki responde ba buat hirak ho di’ak labele barullu no labele lori ba violensia fiziku,” nia hakotu.
jornalista : Sonia de Almeida
Asisten Editór : Pedro de Almeida
