Lafaek News—Governu liuhuis reuniaun Konsellu Ministru (KM) deside mantein serka sanitaária ba minisípiu Baukau no Dili durante loron hitu (7).

Ministru Prezidensia Konsellu Ministru (MPKM) Fidelis Manuel Leite Magalhães hateten, aprova mós projetu Rezolusaun Governu nian ne’ebé mantein impozisaun serka sanitária iha munisípiu sira Baukau no Dili ba loron 7 ta, nune’e, bandu nafatin sirkulasaun ema sira-nian entre munisípiu Baukau no Dili no sirkunskrisaun administrativa sira-seluk.

“Maibé iha kazu hirak ne’ebé ninia fundamentu forte tanba razaun sira seguransa públika, saúde públika, asisténsia umanitária, manutensaun sistema abastesimentu públiku ka razaun seluk ne’ebé presiza atu hala’o ba interese públiku nian” dehan MPKM Fidelis Magalhães iha Palasio Governu Dili,  kinta (01/07/21).

Governante ne’e akresenta, la inklui iha proibisaun sirkulasaun ida-ne’e indivíduu sira ne’ebé komprova vasinasaun kompleta (doze rua) kontra COVID-19, nomós labarik sira ho idade tinan 6 mai kraik ne’ebé akompaña”, Hakotu Nia.

Jornalista  : Juvita dos Santos

Editór        : Agapito de Deus