Lafaek News—Tinan oin IX Governu Konstitusional sei aloka orsamentu $200. 000 Mill ba Jornalista sira liu husi orgaun Konsellu Imprensa.
Governante ne’e afirma konseitu formasaun ne’ebé sei hala’o iha tinan oin ne’e bazeia ba Konsellu imprensa (KI) nia hakarak, tan ne’e husu ba media sira atu bele iha koñesimentu no intende polítika IX governu konstituisional liu-liu lei orsamentu 2026.
“Tempo ida agora liu-liu iha tempu iha oras ne’e da-daun governu hato’o ona orsamentu jerál estadu ba ona iha Parlamentu Nasional i persija fo hanoin ba kolega media sira atu bele iha koñesimentu atu bele intende polítika IX governu konstituisional nian ohin ami ko’alia iha kestaun lei avaliasaun ba lei produtu Jornalistiku iha media konvensionais no plataforma dijital ami mos ko’alia kona-ba preparasaun loron 50 anus Balibo five ida mos ami ko’alia kona-ba kobertura media nian ne’e iha seremonia adezaun klenu Timor-Leste, ba asean kolega sira no x0efe redasaun sira mos fo hanoin malu liu-liu kona-ba polítika IX governu,” Expedito Dias ba jornalista sira iha resintu SEKOMS Dili loron, Kinta Feira 9/10/2025.
Nia dehan, IX governu konsitusional iha tinan 2026, sei aloka orsamentu ba formasaun jornalista sira liu husi KI $200.000 mill, ba da-daun KI halo hela konseitu prátiku oinsá mak nia konseitu formasaun iha 2026, Ohin diretór no xefe redasaun sira husu formasaun ne’ebé sei hala’o husi governu sei hamutuk ho KI, formasaun iha dunik hanesan fatin ne’ebé fo dunik benefisiu boot, labele formasaun ne’ebé governu tau osan, maibé formasaun ho tipu palestra, maibé formasaun iha praktek tanba ne’e ha’u mos sei koordena ho KI atu formasaun ne’ebé governu fo aloka osan ba KI ne’e atu bele servisu hamutuk ho organizasaun jornalista sira ho media nain sira atu bele konseitu formasaun ne’ebé mak KI hakarak halo iha 2026 ne’e bazeia ba sira nia hakarak.
“Tinan oin mos governu liu husi SEKOMS sei tau osan ba formasaun liu husi organizasaun jornalista sira, husu atu fulan dezembru enkontru trimestral 2025 ikus nian ami sei hare’e fali konsetu foun oinsá ho formasaun governu atu fo ba organizasaun jornalista sira ho orgaun komunikasaun sosial nian iha dunik benefisiu boot ba media no benifisiu boot Ben estar jornalista sira, tan ne’e mak ohin enkontru ida ne’e nakonu ho amizade ho hanoin no diskusaun ne’ebé diak atu haree media nia papel ba oin iha 2026, iha governasaun konstituisional IX guvernu nian ohin media nain sira husu oinsá liu-liu sira sublina liu Kona ba formasaun no oinsá governu hanoin atu bele fo apoiu ne’e direitu ba orgauns komunikasaun sosial la persija liu husi organizasaun jornalista sira, ha’u esplika katak konseitu foun ida ne’e ita sei ko’alia iha trimester tuir mai,” nia hakotu.
Jornalista : Trifónio Araújo
