Lafaek News—Sekretaria Estadu Igualidade hamutuk ho linas-ministeriais no parseiru internasional sira hanesan Uniaun Europeia no UNDPA hala’o lansamentu ba programa igualdade jéneru (Gender equality Sel).
“Ohin ita hamutuk enkontru importante ida-ne’e hodi marka inísiu ba kapítulu foun ida iha ita-nia viajen koletiva ba igualdade no governasaun di’ak, Programa Pro PALOP-TL, ko-finansiadu husi Uniaun Europeia no administra husi UNDP, sai hanesan instrumentu hodi hametin governasaun ekonómika, transparénsia, no responsabilizasaun iha nasaun Afrikanu sira ne’ebé ko’alia lian Portugés no Timor-Leste, dehan SEI Elvina Carvalho iha hotel Timor Kinta 26/02/2026.
Governante ne’e relata lansamentu Igualdade Jéneru (Gender Equality Seal) ne’e ba Instituisaun Públika sira hotu la’ós de’it marku ida ba Timor-Leste, maibé mós símbolu forte ida ba SEI nia kompromisu atu hatama perspetiva jéneru nian iha nivel governasaun hotu-hotu, liuhosi konsulta, avaliasaun, no kapasitasaun instituisaun xave tolu hanesan Tribunál Rekursu, Ministériu Finansas, no Komisaun Funsaun Públika, hakat ba oin hodi lidera ho ezemplu.
“Alein-de Faze III, ita tau igualdade jéneru iha ita-nia sentru ba esforsu sira hotu, hodi asegura katak ita-nia planeamentu, orsamentasaun, no prátika institusionál sira reflete prinsípiu sira ne’ebé konsagra iha Konvensaun kona-ba Eliminasaun Forma Hotu-hotu diskriminasaun hasoru feto, inisiativa ida-ne’e la’os de’it kona-ba kumprimentu ba kompromisu internasionál sira, ida-ne’e kona-ba transforma ita-nia instituisaun sira hodi garante justisa, inkluzividade, no responsabilizasaun Hodi integra jéneru iha polítika fiskál no fiskál, jestaun organizasionál, no prestasaun servisu, harii fundasaun ba sosiedade ida iha ne’ebé oportunidade no direitu sira fahe hanesan ba ema hotu, treinamentu loron rua oin ita sei envolve iha diálogu, treinamentuno reflesaun Ita sei aprende husi prátika internasionál sira ne’ebé di’ak liu, hametin ita-nia kapasidade téknika sira, no estabelese Komisaun Igualdade Jéneru ne’ebé sei lori serbisu ne’e ba oin,” afirma nia.
Entretantu partisipa iha atividade lansamentu ne’e partsipa husi reprezentate linas- ministeriais no parseiru internasional kompostu hui Uniaun Europeia no UNDP.
Jornalista : Moises Gueterres
