Lafaek News— 19 Marsu 2026, Comité Internasional Crúz Vermelha (International Committee of the Red Cross (ICRC-sigla Inglés) entrega dokumentus istóriku Timor-Leste, kona-ba istória pasadu husi tinan 1974-1999, ba Centro Nacional Chega!I.P hodi konserva iha muzéu Chega Balide.
Dokumentu istóriku sira hanesan fotografia no ativdade ne’ebé Internasional Committee of the Red Cross halo asaun Umanitáriu ba povu Timor-Leste, iha funu laran husi tinan 1974-1999.
“Iha relatóriu bo’ot Chega ne’e iha kapitulu IV mínimu iha kontribuisaun signifikante husi dokumentu ho arqivu sira ne’ebé ICRC uluk iha Timor periodu okupasaun Indonézia nia, sira fo kontribuisaun signifikante tamba ne’e pasu da-uluk ne’ebé ICRC komesa entrega fotografia balun ne’ebé uluk sai dokumentasaun mai CNC!I.P,” Diretor Ezekutivu Centro Nacional Chega!I.P Hugo Maria Fernandes ba Jornalista sira hafoin simu dokumentasaun istóriku husi ICRC iha Muzeu Chega Balide, 19/03.
Hugo reafirma ICRC entrega dokumentu istóriku ne’e ho intensaun atu kontinua kooperasaun ba oin, no tuir regras protokuler ICRC nian dokumentus sira sei bele nakloke wainhira liu ona tinan 40.
“Depois eventu ida akontese ne’ebé dokumentus sira ne’ebé ohin fo mai ne’e balun tama kategoria iha ne’eba, maibé dokumentu barak loos iha Timor ne’e arqivu ICRC iha Jenebra i Sr. Martin sei iha oportunidade bele ba vizita iha ne’eba,” Dehan Hugo Fernandes.
Iha fatin hanesan Xefe Comité Internasional Cruz Vermelha nian husi Rejional Delegasaun ASEAN, Martin de Boer agradese ba CNC!I.P ne’ebé simu ona fotografia no mos dokumentasaun husi ICRC ninia asaun umanitáriu iha 1974 -1999 ho signifikante tebes.
“Ohin primeira entrega foto balun no ita bele fahe ba malu kona ba dokumentasauniha Nivea ne’ebé iha ita nia sede arkivu no ICRC iha ona dokumentu públiku tinan haat-nulu depois eventu no ita asesu no neneik ho tempu dokumentu kona-ba situasaun durante luta independensia Timor-Leste no ita asesu mos husi kolejiu,” Xefe ICRC Martin hakotu.
Jornalista Gracia Soares
