Balibo (Lafaek News)—Kompania operador telkomcel hala’o semináriu ba estudante ensinu sekundaria Dom Martinho Balibo ho temátiku empoderamentu iha era dijitalizasaun atu promove juventude sira hodi sai autor ba dezenvolvimentu no sai ajente mudansa no transformador.
“Objetivo husi seminário ohin loron nian mak Ami senti impoderamentu dijitalizasun ne’e importante no presija tebes atu itá sensibiliza informasaun sira ne’e ba estudante sira, tamba estudante no Joven sira mak autor ba dezenvolvimentu no ajente ba mudansa iha setor ida ne’e,” Joana Miranda Hanesan Jerente servisu korporente komunikasaun ba jornalista sira hafoin remata Semináriu iha kampu Balibo, 14/10/2025.
Operador telkomcel mos hatoo agrdesimentu boot ba Sekretaria Estadu Komunikasaun Sosial (SEKOMS) no Konsellu Imprensa tanba bele konvida Telkomcel partisipa iha komemorasaun tinan 50 trajedia Balibo Five.
“Ami husi Telkomsel hato’o ami nia Agradeçe ba Secretário Estado komunikasaun sósial no mos konsellu Imprensa ne’ebe konvida ona telkomcel hodi partisipa iha komemora tinan 50 trajédia Balibo Five,” Joana agradese.
Nia dehan, era teknolijia ou era dijitál ida ohin loron forte tebes, realidade iha nasaun sira hosi liur hanesan Nepal mosu krize boot akontese labele hili direta sira nia primeiru ministru, maibé sira hili Liu husi aplikasaun ida, signifika era ida agora presija teb-tebes koñesimentu klean ba iha ne’eba atu nune’e itá láiha tan literasia ba dijitalizasun.
“Ami mos senti kontenti tanba esperénsia ne’ebé ami iha ami hakarak mos atu fahe ba alin estudante sira liu-liu joven sira atu nune’e sira bele iha koñesimentu oinsa bele uza telekomunikasaun ho dijitalizasun, no sensibilizasaun ida ne’e mos la’os hala’o iha ne’e de’it, maibé telkomsel sei koopera nafatin ho KI no SEKOMS hodi kontinua halo empoderamento dijitalizasun ne’e iha fatin seluk.
Sorin seluk Diana Olga Maia, nudar estudante Ensinu Sekundáriu Jerál Dom Martinho Balibo Five, espresa nia kontente ho Telkomsel nia programa ne’ebe bele fahe ona esperiensia no matenek sira kona-ba empoderamentu iha era dijitalizasaun.
“Ha’u hanesan estudante ne’ebé durante ne’e seidauk kompriende kona ba era dijitalizasun no ohin ha’u kompriende no sita ona husi semináriu ida ne’e katak era ida agora itá tenki utiliza telkomunikasaun ho responsabilidade hanesan estudante no itá uza sala mak itá sei sai vítima ba teknolojia.
Ekipa Kobertura : Lafaek News
