Lafaek News (Lautém)–Estrada diresaun Lospalos-vila liga postu administrativu Iliomar koak hanesan topa nakles iha tempu udan hasusar populasaun sira lori produtu local ba fan iha merkadu munisipál Lautém.
Abitante aldeia Caidabu postu Iliomar, Joaquim da Costa, informa Estrada ne’e dezde tempu okupasaun Indonézia kompania ida naran PTK mak rehabilita, maibé too ohin loron Timor Leste Ukun-An tinan 20 ona governu seidauk hanoin kona Estrada postu administrative Iliomar.
“Ha’u hanoin laiha uluk indonesia nia tempu (PTK ) mak halo ida ne’e, maibé mak to agora seidauk iha mudansa, maske ukun-an tinan rua nulu resin ona estrada mak nafatin nune’e ita haree estrada ne’e hanesan ropa ida karik taka, maibé nia kuak maibé la iha benifisiu ba povu” hateten Joaquim da Costa ba Lafaek News iha postu administrativu Iliomar.
Joaquim haktuir bainhira iha tempu udan estrada refere halai tuir hanesan mota iha tempu bailoron rai-rahun makas taka komunidade nia uma no halo labarik sira besik posentu 30 sofre ISPA.
“Iha tempu udan ita hali tuir hanesan mota, tempu bai loron rai rahun maibé mak sae pois povu nia prekupasaun mak hanesan balun hela besik estrada, rai rahun taka uma sira ne’e sai át hotu pois labarik sira besik estrada mos rai rahun kona halo sira moras isin manas balu mear balu too mate” hateten joquim.
Joaquim afirma tan katak prekupasaun estrada entre postu administrativu iliomar Lospalos, komunidade sente hanesan seidauk Ukun-An, tanba haree kondisaun estrada laiha mudansa dezde ukun-an too agora.
“Prekupsaun mai ami mak ita Ukun An tinan ruanulu resin tia ona maibé husi Lopálos ba postu Iliomar ne’e sente seidauk Ukun An ida, tanba ida ne’e maka ami triste” hakotu Joaquim da Costa
Obervasaun lafaek news iha terenu nota Estrada refere iha kompaña balun hadia ona iha tinaan hirak liu ba kotuk tula rai ateru Estrada koak, maibé hanesan atu trava fali estrada koak bainhira iha tempu udan, udan ben sobu estragus halo fatuk nakrakat difikulta tebes transporte públiku ne’ebé ba mai postu refere.
Jornalista : Alsino Madeira
Editor : Agapito de Deus
