Lafaek News—Iha fulan Janeiru 2025, Autoridade Protesaun Sivil (APC-sigla Portugés), rejista kazu husi dezastre naturais hamutuk 27 kobre territoriu nasional, hanesan anin vilosidade as, ahi-han uma, no rai-lakan hamate ema.
Xefe Sesaun Komunikasaun sivil APC, Nelson Nunes informa tipu kazu dezastre naturais ne’ebe akontese iha territoriu nasional hahú husi loron 13-20 fulan Janeiro iha rejiaun Timor Leste, rejistu ema afeitadu hamutuk 27.
“Iha loron 13-20 janeiru 2025 semana ne’e iha rejiaun Timor-Leste normal no akontese tipu dezastre ne’ebe ami nia ekipa (APC), rekoila iha munisipio hamutuk 27, mak afeitado ba dezastre ne’ebe akontese,”Xefes Sesaun komunikasaun APC, Nelson Nunes ba jornalista sira iha konferensia imprensa, Kaikoli 20/01/2025.
Dadus ne’ebe APC rejistu durante semana ne’e familia balun sai afeitadu hanesan aldeia Fatulia suku Baha-Dato postu administrativo Venilale, iha loron 12 Janeiro ahi han komunidade nia uma 1 iha suku Hoho-Lau aldeia Maururi postu Administrativu Aileu, iha loron 14 akontse rai-lakan fera mane ida ho naran kompletu Joel Araujo ho idade 14.
Iha Dili, Suku Bairo-Pite aldeia Tane-Timor posto Administrativu Dom Aleixo, loron 10 fulan Janeiro, ahi han uma ida, no suku Becora aldeia Darlau postu Kristu-Rei, anin bot sobu komunidade nia uma 1, iha parte Glenu Suku Riheu aldeia Gomhei, anin sobu komunidade uma ida estragus, iha Manufahi suku Hola-Rua, aldeia Urfu, anin sobu komunidade nia uma ida hetan estragus.
Iha munisípiu Vikeke, suku Karau-Balu, aldeia Lamak-Klaran, mota lori labarik mane ida iha loron 13 fulan Janeiru 2025, to ohin loron familia ida seidauk hetan apoiu, no suku Karau-uabubu aldeia Likio-Buti posto Ossu akontese ahi han komunidade nia uma ida estragus.
Bazeia ba informasaun previzaun tempo husi Diresaun Nasional Metologia no Geografika Informa katak, hahu husi loron 13 too 20 fulan janeiru tinan 2025, kondisaun tempo iha semana kotuk nia laran kalohan taka iha territóriu nasional kazu udan fraku naton bele lokalmente udan forte liu-liu iha munisípiu 7.
Temperatura másimu iha territóriu nasional varia husi 27-31 ⁰C minimal 19-26 ⁰C kondisaun anin hahú normal naton iha rejiaun sentral no anin huu ho velosidade naton, iha reijiaun kosteiras liuliu munisípiu sira hanesan Dili, Atauro, Baucau, Vikeke no Manatuto.
Kondisaun laloran tasi parte kosta norte varia husi 0.2-0-7 metru kategoria normal no laloran tasi kosta sul varia husi 0.7-1.0 metru kategori normal, autoridade sira iha territóriu nasional, ne’ebé hela iha area kategoria risku ba dezastre natural hanesan foho-lolon motan-ninin besik aihun-boot no lina elestrisidade, atensaun hadok-an husi fatin risku sira atu nune labele afeta ba dezastre.
Jornalista Magan : Natalia de Jesus
Editor : Agapito de Deus