Lafaek News—Fundasaun Hadomi Timor (FHT) no The Asia Fundation realiza meza redonda halo diskusaun ba esbosu lei sibernétika protesaun dadus.
Diretor Ezekutivu Fundasaun Hadomi Timor (FHT), Abrão Monteiro hatete esbosu lei ne’e mosu hahú iha VIII governu nian ne’ebé prepara husi Fundasaun Hadomi Timor (FHT) hodi proteze sidadaun nia direitu no privasidade ema nian
“Dadaun ne’e liu husi plataforma dijital husi sosiedade sivil no setor privadu sira rekolla dadus hodi jere Esbosu lei ne’ebe husi kedas governu VIII prepara, husi FHT nia prespetiva katak ne’e importante tuir evolusaun no mudansa teknolojia ninian, Entaun importánsia husi esbosu lei protesaun de dadus mak oinsá atu proteze sidadaun nia direitu, liu-liu nia dadus sira ne’ebe mak husi governu, Impresa ka sosiedade sivil ka setor privadu sira rekolla no jere, karik laiha esbosu ne’e entaun sira bele iha poténsia bo’ot hodi bele viola dadus ne’ebe sira rekolla liu husi plataforma dijitál sira” dehan Diretor Ezekutivu Abrão Monteiro iha salaun Kasian The Asia Fundation, Tersa (20/01)
Esbosu lei ne’e hodi fo konfiansa ba públiku ba iha platafroma dijital ne’ebé eziste no adopta ona iha Governu Timor-Leste, sai sistema eletróniku no servisu hotu-hotu sai ona dijitalizasaun tanba ne’e kria esbosu lei ne’e hodi rekolla sira nia dadus liu husi plataforma dijital.
“Oinsa bele harii konfiansa públiku ba iha plataforma dijital ne’ebe mak ejiste, liu-liu ita hatene ita nia governu hahú opta ona ba iha governu eletróniku, servisu hotu agora dijitaliza servisu públiku sira oinsá atu hare’e konfiansa sidadaun sira nian ba Sistema, entaun tenke iha lei ida atu proteze sira nia dadus bainhira rekolla liu husi plataforma dijital hanesan trata pasaporte, entaun oinsá sira rekolla informsaun liu husi online, sira bele grarantia duni katak dadus sira ba asentu dadus atu proteze atu labele iha violasaun dadus ne’ebe ita haruka ba iha sira nia sistema” nia haktuir
Nia sublina, liu husi plataforma dijital ida ne’e hodi apoiu ekonomia dijital nune’e bele fo protesaun ba dadus no konfiansa ba sidadaun ninian ba sistema komersial no plataforma dijital brenking ne’ebé Estadu hahu adopta ona
“Atu bele apoiu ekonomia dijital. Se la iha protesaun de dadus, la iha konfiansa sidadaun ninian ba sistema ba komersiu sira ka plataforma dijital baking sira ne’ebé mak ita nia estadu hahu obta tamba la iha lei protesaun de dadus no privasidade mak sidadaun sira ladun konfiansa, lakohi partisipa ativu ba iha plataforma husi empreza sira hodi distaliza ho intensaun ba iha ekonomia dijital ninian entaun asuntu tolu ami mensiona liu- liu oinsa atu proteje dadus sidadaun sira nian; hari’i konfiansa sidadaun ka hari’i konfiansa públiku ba sistema engoverment, enkomers no ba iha ekonomia dijital ninian atu bele partisipa ativu iha komérsiu dijital seim tauk nia dadus iha dijital,” afirma nia
Entretantu iha Diskusaun meza redonda ne’e partisipante inkluzivu husi setor importante sira mai husi Ministeiru Justisa, PDHJ, sosiedade sivil, JSMP, PCIC, no IDN
Jornalista : Moises Guterres/Ana Gracia
