Lafaek News—Fundasaun Hadomi Timor servisu hamutuk ho Fundasaun Ázia fo treimamento ba joven sira kona ba seguransa dijitál iha Timor Leste oinsá atu asegura informasaun hoax no utiliza tuir koridor.
Diretor Ezekutivo Fundasaun Hadomi Timor Nicho Linux hateten ba futuru Timor Leste presija kria instituisaun ida ba siguransa sibernétiku ho ninia rekursu di’ak hodi fokus halo atendimentu másimu ba krime hirak ne’ebé akontese iha rai-laran liu hosi seguransa dijitál alende oinsá atu asegura informasaun hoax iha media sosial.
“Ita nia hakarak ne’e hanesan nasaun boot sira tenke iha badan server security no kria instituisaun ida ba iha seguransa sibernétiku ho ninia rekursu humanu ne’ebé fokus fo atende másimu ba krime ne’ebé akontese, seluk tan ita iha de’it 40 GB internet internasional Bandwidth ne’ebé fo ameasas barak bainhira konekta ba kabu submarinu iha Timor Leste, no inísiu hakarak uza 800 GB signifika loke oportunidade atu informasaun falsa ho los bele tama barak, situasaun ne’e presija haree no fo kapasitasaun ba rekursu humanu oinsá atu asegura dijitál security ne’e rasik hosi informasaun hoax iha Timor Leste,” Diretor FHT Nicho Linux ba jornalista sira iha Farol, segunda (27/10/2025).
Nicho Linux akresenta atu labele sai vítima ba utilizsaun teknolojia dijitál, nia parte rekomenda ba governu atu asegura enfraestrutura dijitál, lei instituisaun ne’ebé halo jestaun ba krime dijital inklui reforsa rekursu humanu.
“Mesmu ita iha lei maibé ita nia ema sira ita la forma ho di’ak sira vulnerável no sai nafatin vítima ba teknolojia ne’ebé iha tan ne’e rekomenda ba Governu atu asegura enfraestrutura Dijital, lei instituisaun ne’ebé halo jestaun ba krime dijital inklui asegura rekursu humanu,” tenik Nicho Linux.
Sorin seluk Partnership Manager Of Asia Centre, Kartini Sunityo Karin hateten treimamento ne’e mos atu tau importánsia ba seguransa demokrasia direitu umanu inklui halo antisipasaun ba seguransa dijitál no liberdade espresaun iha Timor Leste, ida ne’e mak durante ne’e servisu maka’as entre Funsasaun Hadomi Timor ho Asia Fundation oinsá komunidade sira bele komprende kona-ba utilizsaun teknolojia dijitál no halo seguransa dijitalizasaun.
“Ami nia objetivu prinsipal hosi treimamento ne’e atu tau importánsia ba seguransa demokrasia direitu umanu inklui halo antisipasaun ba seguransa dijitál no liberdade espresaun iha Timor Leste.
Entretanto Partisipante iha treinamentu dijitál Security ne’e kompostu hosi sosiedade sivil ho movimentu media sira inklui instituisaun Hadomi Timor, no treinamentu hala’o durante loron 2 hosi loron 27 no sei remata iha 28/10/2025.
Jornalista : Natalino C. Lopes
