Lafaek News—Prezidente Partidu Kmanek Haburas Unidade Nasional Timor-oan (KHUNTO) Armanda Berta dos Santos, fiar KHUNTO nia votus sei kontinua aumenta iha munisípiu Bobonaru ho razaun afiliantes mos aumenta.
Lider partidu KHUNTO ne’e hatoo asuntu ne’e iha serimonia reajustamentu estrutura no posse ba estrutura foun iha munisípiu Bobonaru 02/08/2025, no afiliantes sira simu kedan hosi prezidente partidu ho lider supremu José dos Santo Naimoru Bucar.
“Ha’u fiar katak Bobonaro sei hamutuk ho estrutura ida ohin sei bele hetan votus Barak liu, tanba ita sei hasoru eleisaun iha 2027 no 2028 entaun ita nia baze labele husik mamuk ita presiza kompleta estrutura postu, ha’u fiar ho ita bot sira nia prezensa votus sei bele aumenta barak liu tan iha 2027 ho 2028,” Prezidente Partido KHUNTO, Armanda Berta dos Santo ba militantes no simpatizantes sira iha Maliana, 02/07/2025
Prezidente Partidu KHUNTO ne’e mos husu estrutura ne’ebé hetan ona lejitimidade atu servisu maka’as, no labele loke dalan ba partidu seluk influensia militante KHUNTO nian, atu nune’e bele garante vitoria iha eleisaun 2027-2028.
“Presiza ita nia servisu foin bele atinje mehi ne’ebe ita hakarak, karik Patidu manan iha 2027 no 2028 presiza ita bot sira nia kapasidade atu hamutuk haree ba dezenvolvimentu ita nia nasaun, entaun hahú agora ba tenke esforsu an, ho estrutura foun ida ha’u fiar katak imi sei halo diak liután iha munisipio Bobonaro,” Berta akresenta.
Iha sorin seluk Rofino Carlos hanesan militante ativu CNRT ne’ebe afililia ba partidu KHUNTO deklara razaun hakarak hamutuk fali ho Khunto tanba lakohi hein promesa falsu sira tanba kleur ona hela ho promesa falsu nafatin.
“Ha’u mai hamutuk ho partidu khunto tanba ha’u hakarak servisu hamutuk atu bele hadia buat ruma iha Bobonaro ne’e, tanba barak ukun ona mas bosok mak barak, ko’alia mai promote-promete más rezultadu laiha, ne’ebe ha’u la mai mesak povu no joven barak hakarak mai komu ho kultura ne’ebe ha’u reprezenta sira hakarak mai hamutuk ho Partidu Khunto,” Rofino Carlos atu xefe aldeia Holsa Maliana munisipiu Bobonaru.
Ikus liu Koordenador Partidu KHUNTO munisípiu Bobonaro Francisco da Costa Tilman, Husu ba Prezidente KHUNTO no Konsileiru Másimu no estrutrutura nasional atu tau matan ba militantes khunto nian Iha munisipiu Bobonaro
Hatan ba rekomendasaun estrututra KHUNTO Bobonaru, Konselleru Másimu Partidu KHUNTO José dos Santos Naimori Bucar, husu atu reforsa ema sira ne’ebé tama ona iha estrutura partidu nian tenke preparan di’ak hodi lori Timor-Leste ba ba oin.
“Se karik ita boot sira tama ona iha estrutura ida hanesan ohin, komesa ona prepara an para atu bele sai Lider ida husik kraik ba leten se ita bot sira nia hanoin ida ne’ebe diak ba polítika aban bainrua sei sai valor ba ema hotu-hotu ita nia polítika ne’e mak lori nasaun ba oin, polítika ne’e mak tenke diak primeiru polítika ne’e mai husi fuan, polítika laos mai husi matan, matan ne’e bele halo buat ruma sala, polítika tenke proteje sira hotu hanesan sidadaun Rai ne nian, polítika ne’e ita atu dudu nasaun ba oin, ne’ebé Agradese ba estrutura foun maibe tenke brani hodi responde ba polítika ne’ebe lao iha imi nia oin polítika ne’e la fasil polítika ne’e manas-midar no sin mai dala ida mak ne’e, ho haraik an ha’u lori lider hanesan partidu KHUNTO ha’u husu deskulpa ba problema ida iha Cailaco ne’eba hau rasik husu deskulpa ha’u hakarak imi hamutuk hodi lori nasaun ne’e ba oin”
Jornalista: Mateus F.de Deus
