LAFAEK NEWS—IX Governu liu hosi Ministériu Komérsiu Indústria (MCI-Sigla Portuges) kinta (05/06/2025), ofisialmente lansa hala’o lansamentu atividade ekonomia dijitál hodi promove mikro pequena empreza bele hala’o promosaun ba produtu lokál iha rai laran.
Iha lansamentu ne’e Nino Pereira argumenta, lansamentu ida ne’e ho razaun Timor Leste hakat ona ba asean, presiza prepara kondisaun ne’ebé adekuadu liu-liu iha atividade ekonomia eletróniku.
“Ohin ita lansa dokumentu importante ligadu ba Timor Leste nia Komérsiu Eletróniku ita ba ona ligadu Asean ninian, ita mos presija prepara kondisoen balu liu-liu liga ba atividade Komérsiu Eletróniku ne’ebe oras ne’e la’o hela iha ita nia nasaun, inklui pagamentu dijital sira ne’e, transformasaun dijital,” Nino informa ba Jornalista sira iha Hotel Timor Dili, 05/06/2025
Governante ne’e realsa katak, kona-ba asuntu dijital, nia parte rekonese katak ba da-daun Timor Leste aselera ba internet, ida ne’e sai hanesan sasukat ida, maibe nia parte haree iha komitmentu boot atu Timor oan sira aproveita mudansa global ba komérsiu nian liu hosi online ne’ebé sai hanesan nesesidade iha situasaun ohin loron.
“Ho dokumentu ida ne’e bele tulun mos mikro pequena emprezas sira halo promosaun ba sira nia produtu atraves husi online,” dehan nian.
Justo Fernandes hanesan Diretor Dezenvolvimentu aplikasaun TIC-Timor haktuir, TIC Timor nudar ajensia implementador prepara fakuldade 4 atu fasilita nesesidade públiku liga ba asuntu dijitál ekonomia nian.
“Tic Timor nudar ajénsia implementador nia papel importante atu, prepara fakuldade ne’ebe sentru dadus depois ligasaun governu nian atu fasilita, Governu bele fo asisténsia ba públiku TIC Timor iha planu tinan sanulu ne’ebe ita bolu Timor dijital 20-32 ida ne’e hateten ita fokus area 4 ne’ebe iha, primeiru saúde, Edukasaun, Agrikultura no administrasaun públiku, ida ne’e sai nudar referensia bo’ot ida atu implementa governu eletronika iha ita nia rain,” katak nia.
Jornalista : Domingas Beto /Maria Jose
