Lafaek News-Tersa (17/09/24) Ekipa Komisaun Anti-Korupsaun (CAC-Sigla Portuges) hasoru jerente husi Ministériu Agrikultura Peskas (MAP), ne’ebé asume kargu hanesan Diretór Geral (DG) no Diresaun Nasionál Aprovazionamentu (DNA) hodi presta deklarasaun.
Iha fatin hanesan Diretor Geral Investigasaun CAC, José Verdial hatete, Ekipa Komisaun Anti-Korupsaun (CAC), halo servisu lei no ordem hodi bá hasoru jerente husi Ministériu Agrikultura Peskas (MAP) ne’ebé informasaun espalha ona iha média sosial nune’e hodi hato’o presta deklarasaun ba parte relevante husi Komisaun Anti-Korupsaun (CAC) Sira.
“Ha’u hanoin informasaun ida ne’ebé maka ita bot sira akompaña los duni ohin dader ekipa CAC nian ba hasoru ita ninia dirijente balun iha Ministeriu Agrikultura e Peskas ida ne’e relasiona ho informasaun sira ne’ebé maka espalha iha média sosial entaun hanesan Komisaun ne’ebé mak iha kompetensia ba iha asaun prevensaun investigasaun Kriminál ami halo kedan asaun pro ativu para atu bele hatene lolos velosidade husi informasaun ne’ebé maka espalha iha média, entaun los duni ami nia ekipa ba hasoru dirijenti sira nain rua iha Ministériu agrikultura e Peskas agora dadaun iha hela prosesu investigasaun” dehan Diretór Geral Investigasaun CAC iha edifisiu CAC.
Komisaun Anti-Korupsaun (CAC), orgaun ida ne’ebé iha kompetensia hodi foti asaun bá kazu ho Tipu oi-oin no iha informasaun mak hafoin halo identifikasaun tanba ne’e presiza informasaun ne’ebé detalhu no prosesu tuir Lei ne’ebe hatur ona iha Konstituisaun RDTL no dalan legal nian.
“Kualker informasoens sira ne’ebé espalha liga ho kuandu ema hato’o informasoens katak iha indísiu, entaun CAC orgaun ida ne’ebé mak iha kompeténsia hare’e kona-ba iha Tipu krime sira hanesan ne’e, entaun ita kualker informasoes hotu bele los no bele mós la los entaun ita tenke liu husi prosesu ida ne’e, lei fo dalan bá iha orgaun polísia Kriminál sira para depois sira bele ita iha doze oras de tempu para halo identifikasaun, entaun ida ne’e mak ita hala’o entaun orsida husi prosesu investigasaun ne’e hotu, sai ba mak ita foin bele hatene katak informasoes ne’ebé maka iha ne’e los, normalmente identifikasaun ne’e mak foin ita hetene lai informasaun sira ne’e fase ida mak prosesu investigasaun para depois ita bele hare ninia kontinuasaun oinsa”, nia hakotu
Jornalista : Aniceto Dias
Editor : Agapito de Deus
