Lafaek News—Iha vizita Sua Santidade Papa Francisco ba foin sa’e feto ho mane iha Centro Convensaun Dili (CCD) iha loron ikus vizita Timor Leste, aman ba kreda katólika iha mundu ne’e hatoo ba joven sira atu barullu iha ambiente ba paz no estabilidade.
Iha reuniaun boot ne’e, Papa dehan maske ema ida-idak h onia idea diferénsia maibé tenke rona malu no respeita malu, problema hotu liu husi dalan rekonsiliasaun atu hetan solusaun ida ne’ebé paz no estabilidade.
“Joven sira tenke hadomi malu hodi kria paz iha ita nia rai, atu nune’e haklaken Nai-Maromak nia lia-fuan, husi buat ne’ebé foinsa’e sira halo hanesan iha rai sira seluk halo mós, tanba joven sira gosta hakilar no barullu, ha’u agradese ba sira ne’ebé ohin fó sasin ba sira nia perguntas, agradese nu’udar grasa domin ba imi hotu, tanba ita hatene agradese ne’e ho ita nia isin tomak no sentimentu, tanba imi rai ida ne’ebé nakonu ho foinsa’e sira, bainhira ha’u hatete ba bispu ida katak, ha’u nunka haluha imi nia sorizu ka imi nia hamnasa,”Papa Francisco hato’o ho sentimentu domin ba foinsa’e iha CCD iha vizita ikus nian.
Sua Santidade reafirma ba joven labele para atu hamnasa, tanba joven mak maioria povu Timor ne’ebé halo rai ne’e nakonu ho ksolok no esperansa, imi labele lakon antuziasmu fiar nian, imajina bainhira joven ida fiar laiha oin namkurut no triste, tanba saida mak halo ema ida oin namkurut no triste, tanba moris iha bullin nia laran.
“Nune’e imi tenke kuidadu-an ho bullin sira, tanba iha ema barak mai ending, ema sira ne’ebé ita hanaran vendedores de felisidade, sira ne’ebé fan felisidade ba sira, tanba ema sira ne’ebé fan ba imi felisidade hanesan droga ida ne’ebé fó ba imi, felisidade ida ne’ebé mak dura meiu ora deit,”Papa Fracisco hato’o ba joven sira.
Papa mos hato’o dezeju bajoven hotu atu la’o ba oin, nia alegria ho foinsa’e sira nian, tanba ne’e imi labele haluha, imi mak hebreu, imi mak liman rohan husi sira ne’ebé harii ona nasaun ida ne’e, tan ne’e labele lakon memoria kona-ba estadu nian, sira ne’ebé uluk ona halo sakrífisiu barak harii ona no konsolida rai ida ne’e.
“Iha buat rua ne’ebé toka liu hau nia fuan bainhira hau lao iha dalan sira iha dili laran ne’e, nakonu ho joventude nia sorizu ka senium, tanba imi povu ida ne’ebé hatene sorir ka senium, tanba ne’e kontinua halo hanesan ne’e ba oin no joven ida tenke hatene mehi no saida mak ita tenke halo atu bele iha mehi, la’os tur iha dalan hodi hemu alcohol, ida ne’e sei fó ba imi mehi a’at, tanba ne’e, hau konvida imi atu mehi no mehi ba oin kona-ba buat bo’ot sira iha moris, joven ida ne’ebé lahetene nia mehi, nia ne’e hanesan pensium ona iha moris, tanba ne’e joven sira tenke hatene halo barullu atu hatudu vida moris mak nune’e”. Sua Santidade Papa Fracisco, hakotu.
Observasaun jornalista lafaek news iha terenu nota, despedida ikus ba Sua Santidade Papa Francisco iha Centru Convensaun Dili, bainhira hasoru malu ho foinsa’e sira hatudu katak, partisipasaun másimu tebes husi juventude sira ne’ebé mai husi dioseze tolu hanesan Baukau, Maliana nomós Dili.
Jornalista : Crispin Amaral/Joanida Corte Real
Editor : Agapito de Deus
