Lafaek News—Autoridade Protesaun Sivíl (APC) Segunda 02/10/2023, Iha ne’ebé Atualiza informasaun kona-ba dezastre naturais hahú husi fulan Janeiru to’o fulan Outobru tinan ne’e.
Tuir Diretór APC Anacleto Caetano hatete, Hahú husi fulan Janeiru mai to’o ohin loron husi parte Autoridade protesaun Sivíl rejista tan umakain 2433 Makhetan estragus no ema 30 lakon vida.
Nia hatutan, Dadus ne’ebé mak husi parte APC rejistu husi munisípiu 12 inklui Rejiaun Administrativa Espesial Oekusi Ambeno (RAEOA) husi fulan Janeiru mai to’o ohin loron dezatre naturais ne’ebé mak akontese ho tipu 6 mak hanesan inundasaun, ahi han uma, rai halai, anin sobu, laloran bo’ot ,no konflitu sosiál hodi rezulta umakain 2433 no ema 30 lakon vida.
“Totál dadus husi fulan Janeiru to’o mai agora família ne’ebé afeta husi dezastre naturais ne’e hamutuk umakain 2433 ne’ebé mak ho tipu hamutuk oin 6, iha inundasaun, ahi han uma, rai halai, laloran bo’ot no konflitu sosiál, husi inundasaun hamutuk 747, ahi han komunidade Nia uma hamutuk 247, anin sobu uma 822, rai halai 563, laloran bo’ot estragu uma 2, konflitu sosiál uma 8, ema na’in 30 mak lakon sira nia vida no kanek na’in 10,” Anacleto dehan.
Nia haktuir, Husi dadus hirak ne’e APC konsidera dadus ne’ebé mak aprovadu umakain 1150 mak tama ona iha kategoria rekuperasaun no ba hirak ne’ebé mak seida’uk hetan rekuperasaun APC nafatin halo reavefikasaun ba dadus hodi hetan aprovasaun.
Nia informa tan katak, Husi dadus hirak ne’ebé mak autoridade APC halo reaverifikasaun no umakain lubuk ida mak APC halo ona distribuisaun materiál konstrusaun nomós orsamentu.
“Aprovasaun ne’ebé mak durante ne’e ita halo ona distribuisaun hamutuk umakain 1150 ne’e hela de’it 37 xefi familia mak seida’uk hetan apoiu materiál konstrusaun nomós orsamentu uituan ba iha vítima sira ne’e totál ne’ebé mak ita halo distribuisaun materiál konstrusaun nomós korsamentu ba iha família 1113 ne’ebé mak sira simu ona iha munisípiu lubuk ida no hela nmunisipiu 2 no família 37 mak seida’uk hetan matéria konstrusaun nomós orsamentu,” katak nia.
Entretantu, Umakain 37 ne’ebé mak seida’uk hetan matéria konstrusaun no orsamentu mak hanesan iha RAEOA ho totál 26 família no Atauro hela família 11, ba família hirak ne’e husi parte APC sei ofrese sira nia diretór iha fulan ida ne’e nialaran.
Jornalista : Felix Fernandes
Editor. : Paulo Collo
