Lafaek News–(07/03/2023)-Ekipa Diresaun Identidade Úniku (IDÚ)-TIC Timor I.P, hala’o sosializasaun programa IDÚ ba estudante foun sira tinan akademiku 2023 iha Institute of Business (IOB) atubele hatene kona-ba prodrama refere ba sidadaun sira no ba estudante sira.
Sosializasaun ne’ebé hala’o iha salaun IBO, Fomentu, tersa (07/03/2023), ho objetivu husi sosializasaun ne’e atu informa lala’ok atividade no programa husi IDÚ ba estudante foun IOB no komisaun organizadora tinan akademiku atubele hatene no hatutan ba ema seluk, tanba estudnate foun IOB mós sai hanesan kamada importante ida iha komunidade hodi hatutan informasaun ba sosiedade.
Koordenadór Komunikasaun Interinu, Diogo de Jesus Carvalho hatete, ekipa IDÚ agradese ba komisaun organizadór no estrutura iha IOB, tanba bele fasilita no kolabora hodi realiza atividade sosializasaun programa IDÚ ba estudante foun sira.
Iha aprezentasaun kona-ba inisíativa implemetasaun programa IDÚ hetan reasaun no apresiasaun husi, estudante sira mós sente kontente no antusiazmu hodi rona no akompaña hodi bele hetan informasaun sira kona-ba IDÚ ho atu hatutan ba família no ema ne’ebé besik hodi hatene antes ba implementasaun prograna refere iha futuru.
Tanba Identidade Úniku Ne’e Identidade dijitál ida ne’ebé atu verifika no autentika identidade husi sidadaun ida-idak, nune’e IDÚ mosu atu fasilita servisu administrasaun públika no servisu atendimentu públiku sira.
Iha atividade sosializasaun ne’ebé hala’o hetan partisipasaun husi estudante foun husi fakuldade ICT ho departamentu 4, fakuldade ekonomia no negósiu departamentu 4, no fakuldade furizmu iha departamentu 2. Nune’e totál estudante n’ebé partisipa iha sosializasaun ne’e hamutuk 500 resin, Komisaun Organizadora orientasaun tinan akademiku 2023, estrutura IOB, Koordenadór Komunikasaun Interinu, Diogo de Jesus Carvalho, ofisiál Rejistrasaun IDÚ, Antonio Soares Lemos, no Felizmina Zela Costa Akoyt, nomós partisipante sira seluk.
Jornalista : Rita Moniz
Editor : Agapito de Deus
