Hakerek nain : Joao Amaral

Maluk sira. Ita hatene saida mak pornografia? Hau senti agora dadaun iha Timor kuaze ema hotu hatene ona. Tanba ho MUNDU modernu ida ne ema barak mak agora bele asesu informasaun liu husi internet nebe fasil tebes inklui mos asesu ba pornografia.

Maluk sira Pornografia agora dadaun ESTRAGA ona ema barak nia moris no futuru :

1. Estraga labarik. Labarik barak agora husi SD deit hatene ona no kuaze barak mak nonton ona Porno. Entaun ida ne ESTRAGA ona sira nia mentalidade husi kiik kedas no sei influensia sira makas hodi halo relasaun sexual no seluk tan bainhira sira bot ona. Ida ne mos influensia sira baruk ESTUDA no halo buat seluk tan ne sei estrga sira nia futuru.
2. Estraga Joven Sira. Agora dadaun Nonton Porno ba Joven sira senti buat nebe babain no Joven barak mak lamoe koalia konba ida ne iha fatin Publiku. Ita bele hare rasik tinan hira liu ba Estudante Secundario Balu pinta Foto Pornografia iha sira nia Farda. Porno kuaze ESTRAGA ona Joven barak nia Moris no futuru. Agora dadaun tanba Porno Joven barak hola malu Sedu, Isin rua Sedu no soe Bebe Arbiru, Perkosa Feto arbiru, halo relasaun Sexual Mesmu seidauk Kaben No mos relasaun nebe laiha moral. Ho hahalok sira iha leten ne sei ESTRAGA sira nia mehi nebe iha no halo sira sei terus tanba hahalok nebe sala.
3. ESTRAGA FAMILIA BARAK. Familia barak mak agora fahe malu arbiru tanba pengaruh husi porno ne mos. Fen ho Laen agora selinkuh arbiru tanba barak mos pengaruh husi Porno. Sira lapuas ho sira nia Parseiro entaun buka fali ema seluk ho nune sempre mosu problema oioin. No bainhira uma laran iha problema Inan Aman fahe malu mak Oan barak mak sei sai vitima. Familia uma laran mak problema entaun sei pengaruh ba oan sira no husi oan sira ne mos sei Pengaruh ba Rai Doben ida ne nia futuru tanba futuru Nasaun iha Jerasaun tuir mai nia liman.

ENTAUN SAIDA MAK ITA TENKI HALO?

1. Ita Pesoal ida idak. Ita ema ida idak husu Labarik, Joven, no Fen lain sira tenki kuidadu ita nia an resik no koko hadok an husi Porno. Tanba hanesan ita hare iha leten katak Porno so ESTRAGA maibe nunka lori buat nebe diak ba ita nia Moris. Ita mak tenki esforsu hodi muda ita nia an. Bele nonton mos Video sira oinsa para nonton porno, Le, Rona Padre no Pendeta sira nia Esplikasaun no mos rona ba ema nebe bele fo hanoin ita hodi muda. La fasil maibe ita bele muda se ita hakarak. liliu ita tenki halo orasaun ba Maromak atu fo Forsa ba ita hodi bele Muda. Maromak nia hakarak mak buat nebe diak ba nia oan sira. Ho nune labele moe ba Maromak no husu Perdaun. 1.000 kali o monu 1.001 tenki hamrik fila fali hodi luta too o Manan.
2. Familia Uma Laran. Inan Aman sira tenki fo hanoin ona ba oan sira nebe sei kiik hodi sira hatene para evita. Labele Moe hodi koalia no fo moral ba sira konba pengaruh porno no relasaun Sexual nebe Arbiru. Tanba se Inan Aman mak la eduka no fo hatene oan sira mak Internet mak sei fo hatene sira. no nia maluk nebe hanoin ladiak mak sei pengaruh no fo hatene sira. Lalika mos fo telefone ba labarik nebe minoridade no tenki KONTROLA sira
3. Nain ulun Igreja Sira. Husi Padre, Madre, Pendeta no Nain Ulun husi Relizaun sira seluk tenki hamrik hodi kontra pornografia. Igreja tenki haklaken klean oinsa para sarani sira labele monu nafatin ba Sala pornografia. Igreja tuir lolos labele moe no labele nonok konba asunto ne. Labele bainhira ema Soe bebe Arbiru, Isin rua Arbiru no hola malu sedu foin mak igreja bandu dehan labele. Buat sira ne hanesan rejultado husi nonton demais Pornografia. Entaun nudar Igreja tenki servisu makas hodi tesi nia akar no akar bot ida mak porno ne. Hahalo at sira ne hanesan fuan husi nia akar ne.

4.NGO Lokal No Internasional sira. Hau nia laran triste oituan tanba Durante ne laiha NGO ida mak serius hodi koalia hapara Porno Iha Timor. Barak mak koalia deit konba Direitu feto, labele hola malu sedu, labele halo abuzu Sexual maibe nunka koalia para dehan taka pornografia no para nonton porno. Hau lahatene sira moe ga sira mak hakarak husik deit. Nebe ba NGO sira hamutuk ba hodi koalia hapara porno iha Timor tanba ida ne sei bele fo rejultado nebe diak.

5. PRESIDENTE, GOVENRNU, PARLAMENTU NO TRIBUNAL. husu ba ita nia Nai ulun sira ne hodi Kria lei ida hodi Block hotu Situs Porno iha Timor. Presija servisu hamutuk ho Telkomunikasaun hanesan TT, TELKOMCEL NO TELOMOR Hodi block Situs Situs ne. Tanba se ita hakarak ita nia Nasaun ne ba oin entaun ita tenki salva ita nia Jerasaun foun sira husi Pornografia. Tanba saida? tanba kuandu Porno ESTRAGA ona ema ida sei estrga nia an, Nia familia, Nia Sociade no mos nia Nasaun. Kuaze Nasaun barak mak hatene ida ne entaun sira block hotu Situ Porno iha sira nia Nasaun inklui mos Indonesia. Ema tolok deit mos ita hakarak halo lei ba para mais Porno. Emtaun Nudar Inan Aman ba Nasaun ida URGENTE tenki kria lei hodi Block Situs porno hotu iha Timor no KONTROLA ema hodi labele share konba Porno iha social media sira..ita salva ema ida ne hatudu katak ita salva ona nia futuru, Nia familia no Nia Nasaun. Hau espera katak hau nia Rai Doben Timor sei free Husi Pornografia

MALUK SIRA

Imi balu dalaruma la aseita ho saida mak hau dehan. Pasti balu nia hanoin ne konforme ba ema ida idak nia an, problema sira iha leten ne la kauza deit husi porno. Sim los maluk sira. Maibe hau hakarak fo hatene katak porno hanesan ai ida karik nia abut bot ida mak porno ne. Entaun ita tenki tesi kotu tiha abut bot ida ne depois mak hare tan abut bot seluk hodi tesi. Ou balu bele dehan ahh blok ba mos ita sei buka hela dalan seluk hodi nonton . Tan ne mak autoridade sira tenki kontrola masimu atu ema labele uza fali aplikasi ou website seluk hodi asesu. Ou balu hanoin ida ne normal no gostu maibe fiar ba katak gostu minutu balu maibe estraga o nia futuru ba tinan naruk

Maluk sira.

Porno hanesan inimigu bot ida nebe mak sai ona ita nia belun diak. Ita lasadar katak nia oho ita neneik maibe at liu. Porno at liu nakoba. Porno estrga ita nia futuru, estraga familia no estraga nasaun ne.maluk sira ida ne laos julga ema ida maibe hau rasik no ita hotu presija hadok an husi pornografia. Hau rasik mos senti ona nia impaktu negativu husi porno no hau senti maluk sira mos hanesa. Ita hotu tenki efosru hamutuk hodi hadia an no hadia ita nia jerasaun tuir mai

Balu mos bele hanoin katak taka ou lataka porno ne laiha pengaruh ida  maibe hau hakarak fo hanoin ita katak liu husi taka porno ne sei kontribui ho porsentu nebe bot hodi evita problema sira iha leten.

Se ita bot aseita entaun mai ita halo kampanha hodi block situs porno iha rai doben timor leste.share mos informasaun ne hodi o nia maluk seluk mos bele hatene. Salva hau nian an, hau nia familia no hau nia nasaun

Tau iha ita bot nia social media facebook, whatsapp, instagram no tiktok hakerek taka pornografia iha timor. Hodi fanu ita nia nai ulun sira kria lei hodi blok situ sira ne.

Maromak fo bensaun ita hotu🙏🙏🙏

#TAKAPORNOIHATIMOR

#SALVAAN

#SALVAFAMILIA

#SALVANASAUN