Lafaek News–Ministra Negósiu Estranjeiru Kooperasaun ( MNEK) Adaljiza Magno, hatete aprezentasaun karta kredensial husi país Brunei Darussalam no Reuni España ko’alia kona-ba asuntu bilateral no ko’alia hikas kona-ba komitmentu ne’ebé halo iha Brunei hanesan asina tiha ona akordu servisu Aero ne’ebé governu liu husi Konsellu Ministru no Parlamentu Nasionál halo tiha ona.
Ohin ha’u akompaña Xefe Estadu José Ramos Horta hodi simu kredensiál husi país rua ida husi Brunei Darussalam, no ida husi Reinu España, depois sira nia aprejentasaun sira nia karta ko’alia uituan mós kona-ba asuntu bilaterál no ko’alia hikas kona-ba komitmentu ne’ebé halo iha Brunei hanesan asina tiha ona akordu servisu Aero ne’ebé governu liu husi Konsellu Ministru no Parlamentu Nasionál halo tiha ona ratifikasaun no husi parte Brunei mós halo nia prosesu doméstiku sira hodi prosesa mós dokumentu nesesáriu sira hodi atu aviaun Royal Brunei bele semo mai Timor-Leste regularmente, hanesan saida mak akontese tiha ona Qantas Áustralia”, esplika Ministra Negósiu estranjeiru kooperasaun (MNEK), Adaljiza Magno iha Palásiu Prezidensiál Bairo-pite, sesta ( 15/07/2022).
Ministra ne’e esplika, Brunei kontinua iha komitmentu atu halo kooperasaun ho Timor Leste iha area saúde no mós edukasaun. Dese uluk kedas Brunei Darussalam fó bolsu estudu ba Timor Leste, maibé tanba sira nia ejizensia ne’e as liu tanba sira presija IEL-Test ne’e 6,5 ka 7 o maiória sira husu 7.
Tanba edukasaun iha Brunei Darusalam ho lian Inglesh tanba ne’e its husu atu sira fó fasilidade ba Timoroan ne’ebé pasa iha selesaun atu bele iha kursu preparasaun ho durasaun fulan 3-6 antes tama ba universidade”, dehan MNEK ba jornalista hafoin simu karta kredensial husi país rua ne’e.
Ministra nee akresenta, ida seluk Timor Leste mós hanoin atu halo kooperasaun iha area saúde tanba iha Brunei baratu uituan nune’e estadu no governu Timor Leste bele iha hanoin halo negosiasaun atu se bele karik bele haruka pasiente ba halo tratamentu iha Brune, tanba kustu baratu no distansia mós ladún dook.
Ho España ko’alia kona-ba oinsá hametin liu tan kooperasaun iha diálogu polítiku kada tinan hahú husi nivél señór officer ba to’o iha nivél Ministeriál atu bele haree hodi adapta mós investimentu España nian mai Timor”.
Jornalista : Rita Moniz
Editór : Agapito de Deus
