Lafaek News–Mariano Lafu idade 68 husi Rejiaun Administrasaun Espesial Oe-kusse Ambeno (RAEOA), tenke mai buka moris iha Dili tan de’it ezijensia nesesidade uma laran hanesan fos, mina no oan sira nia eskola.
Mariano fan estatuta kultural ne’ebe produs husi ai natural liu husi prosesu naruk hafoin nakfilak ba estatuta ne’ebe iha valor osan, hafoin lori mai Dili leba haleu sidade Dili hodi fan ba ema sira ne’ebé gosta sosa estatuta tradisional ne’e.
Ha’u fan Patung ne’e husi okupasaun Indonézia nian, too ohin loron, no baibain ha’u mai husi Oe-Cusse mai Dili, fan ho durasaun semana ida lae rua ema hola hotu mak ha’u foin fila fali ba Oe-Cusse”, dehan Mariano Lafu ba Lafaek News iha palasiu governu nia oin foin lalais.
Maibé, estatuta tradisional ne’e Mariano foti tutan husi ema seluk hafoin fan fali iha Dili, bainhira ema sosa barak estatua nain oferese Mariano hetan porsentu uituan.
Patung ne’e baibain ha’u borong tutan husi ema ne’e mak hanesan Patung ho modelu ema, kaebauk, surik, nomós selu-seluk tán no baibain ha’u faan ho folin $15.00 too $20.00 dólar no bainhira ema hola hotu ha’u bele hetan ho montante $200.00 too $300.00″, esplika Mariano Lafu
Osan uituan ne’ebé Mariano hetan porsentu uituan husi estatuta tradisional ne’e atu responde netik nesesidade uma laran liu-liu hahan no hatais iha ba familia uma laran.
Osan hirak ne’e ha’u uza ba nesesidade uma laran nomós ha’u uza ba halo ami nia uma iha Oe-Cusse nomós uzá hodi la’o lia kultura nian, Patung hirak ne’e baibain ema estranjeiru hanesan Austrália, Portugál no Jerman sira mak sosa barak liu duké rai nain.
Estajiada : Zita Menezes
Editor : Agapito de Deus
