Lafaek News–Ajénsia Estados Unidus Amérika ba Dezenvolvimentu Internasionál (USAID) hamutuk Organizasaun Naun Governamentál (ONG), ualu halo lansamenstu rezultadu estudu peskiza tinan 2022
Peskiza ne’e hanesan parte ida husi USAID-Timor-Leste, nia atividade ONG advokasia ba governasaun di’ak hodi halibur evidensia ba apoia polítika advokasia iha sira nia área, ONG ualu ne’ebé USAID apoia mak, Assosiasaun Defisiénsia Timor-Leste (ADTL), Belun, Community Based Rehabilitation Network Timor-Leste (CBRNTL), Fundasaun Hafoun Timor-Leste (FHTL), Programa Monitorizasaun ba Sistema Judisiáriu (JSMP), Many Hands One Nation (MAHON), Mata Dalan Institute (MDI), Programa espesífiku fo prioridade ba Ema Kiak (PROSPEK).
Tuir Diretora Misaun USAID iha Timor Leste, Zema Semunegus, hatete, objetivu fahe rezultadu peskiza ho parseiru governu parseiru xave sira, ONG atu hametin sira nia parseria iha prosesu elaborasaun polítika no fornese vizibilidade ne’ebé boot liu ba nesesidade no prioridade sidadaun sira nian ne’ebé sira reprezenta.
Peskiza ne’e bazeia ba evidénsia fundamental tebes hodi dezenvolve advokasia ida ne’ebé susesu, permite organizasaun sira hatene rezultadu saida mak sira hakarak atu promove iha sira nia advokasia no ajuda sira atu hatene diak liu tan motivasaun sidadaun sira nian, dezafiu sira no eleva pontu sira ne’ebé bele fo’o resultadu pozitivu.
Ha’u kontente tebes ba lansamentu Research products, ne’ebé ami nia parseiru ONG na’in-8 halo, husi peskiza ida ne’e, hola parte iha atividade USAID nian ba ONG advokasia Governasaun di’ak, atividade ninia durasaun ba tinan 5, komesa husi fulan Agustu 2020 to’o fulan Agustu 2025, ho nia total orsamentu hamutuk dolar amerikanu 9.5 miloens,” Dehan Gema ba jornalista lafaek news iha Otel Timor Kinta foin lalis nee
Nia dehan, parte husi USAID kontente tebes ba lansamentu ida ne’e, tanba USAID nia parseiru sira iha kapasidade atu hala’o peskiza ida ne’e, no peskiza ida ne’e sei Informa ba sira nia advokasia ba sira nia konstituante sira.
Ami komesa halo agora ho parseiru ONG sira halo aprezentasaun ba ita nia governu no membru Parlamentu Nasionál ne’ebé mak atende, entaun agora sira fahe deskobrementu husi sira, atu nune’e bele fornese informasaun ba governu hodi bele haree. Husi ne’e ami sei kontinua serbisu hamutuk ho parseiru ONG sira ne’e, hodi kontinua informasaun sira ne’e, no bele ajuda sira hodi bele halo advokasia ba mudansa serbisu sira ne’ebé mak Governu TL fornese ba sidadaun sira,” nia hakotu.
Jornalista :Domingas Viana
Editor : Agapito de Deus
