Lafaek News–Amu pároku parokia igreja Maria auxiliadora Comoro Pe.João Roque Guterres SDB, husu sarani iha ambiente silénsiu hodi reflete Na’in Jesus nia terus, iha kruz, tanba ema idak-idak nia salan.
Amu pároku Parókia Maria Auxiliadora Comoro Pe.João Roque Guterres SDB , esplika hafoin remata prosesaun Viasakra sae ba foho leten golgota Comoro, sesta ne’e, husu fila ba uma ho hakmatek.https://lafaeknews.com/jesus-lider-ezemplar-fase-apostolu-sira-ain-sinal-domin-no-haraik-an/
Nafatin iha ambiente Silensiu nia laran hodi refleta kona ba na’in Jesus nia terus, iha kruz, fila fali ba uma labele haluha ida idak tuir adorasaun kruz nian, Jesus nia Mate, laos iha ne’e de’it, iha uma Silensiu reza, laos atu provoka malu, joga, maibe loron ohin ne’e fo tempu reflete kona ba Jesus nia terus”, dehan Amu pároku parokia igreja Maria auxiliadora Comoro Pe.João Roque Guterres SDB, hafoin remata prosesaun Viasakra sae ba foho leten golgota Sexta (15/04/2022).
Pe João, Nune’e aban paskah halo buat hotu-hotu di’ak hodi a simu nain Jesus moris hias simu moris foun, Ohin loron, loron Silénsiu reflete kona-ba na’in Jesus terus iha kruz tanba ita idak-idak nia salan.
Iha tema pastoral Diosese nian ne’e ekólogia ho eukaristia ne’e duni Jesus hadomi ita ema too saran nia an ba mate tanba domin, ne’e duni atu ba dame malu fali ita ho maromak, ho ema seluk, no ita an, nune’e mos hanesan natureza, hadomi natureza, tanba domin ne’e mak na’in maromak fo natureza fo buat furak mai ita, ita idak-idak mos hadomi, nune’e labele silu ai no taa ai arbiru iha foho santo”, tenik amu pároku João Roque.
Iha prosesaun Viasakra ne’e partisipa husi sarani parokia igreja Maria auxiliadora Comoro nian no sarani sira iha Dili laran.
Jornalista : Rita Moniz
Editór : Agapito de Deus
