Lafaek News–Sesta( 01/04/2022), Prezidente Repúblika Francisco Guterres Lú Olo, deklara sei foti férias anuais loron sanulu resin lima, hahu husi loron 1 fulan abril too loron 16.
Atúal Presidente Repúblika Francisco Guterres Lú Olo deklara asuntu ne’e liuhosi komunikadu imprensa média Palásiu Prezidensiál Bairu-Pite Dili Timor Leste.
Atúal Prezidente Repúblika Francisco Guterres Lú Olo, sei foti férias anuais loron sanulu resin lima, hahu husi loron 1 abril too loron 16″, dehan Presidente Repúblika Francisco Guterres Lú Olo liuhusi komunikadu imprensa media Palásiu Prezidensiál sexta (01/04/2022).
Tuir Xefe Estadu Lú Olo katak, tuir estatutu titulares órgauns soberania, (númeru 4 artigu 10, Lei n°7/2007, 25 jullu altera husi Lei n°7/2017, 26 abril), tinan-tinan, titular no membru órgaun soberania sira iha direitu ba períodu férias loron 30.
Liuhusi karta, ho data 30 marsu 2022, Prezidente Repúblika informa ba Prezidente Parlamentu Nasionál katak sei goza férias husi 1 to’o 16 ábril 2022, iha territóriu nasionál, tanba Prezidente Repúblika órgaun unipesoál (ema ida de’it mak kaer), nia sei hala’o nafatin ninia knaar tuir Konstituisaun haruka durante períodu férias ne’e,’’Lú Olo hakotu.
Jornalista : Rita Moniz
Editór : Agapito de Deus
