Lafaek News–Vise Primeira Ministra Armanda Berta dos Santos asume kargu Primeiru Ministru, tanba primeiru Ministru Taur Matan Ruak sei hasai feriadu durante semana rua hodi tuir kandidatu Francisco Guterres Lú Olo durante kampaña prezidensial ronde daruak.
Vise Primeira Ministra Armanda Berta dos Santos hateten, relasiona Primeiru Ministru Tau Matan Ruak nia lisensa hahú husi loron 2 fulan marsu to’o loron 21, Primeiru Ministru fo orientasaun ba Armanda Berta dos Santos hodi asume hela kargu Primeira Ministra Interina.
Sim, ohin ha’u hasoru malu sua eselensia Primeiru Ministru liga ho sua eselensia nia lisensa hahu husi dia 2 to’o dia 21 ba kampania ninian, tanba ida ne’e mak eselensia fo hela orientasaun atu asume hela ninia interina ba iha Primeiru Ministru nia fatin, ” dehan Vise Primeira Ministra Armanda Berta dos Santos hafoin remata enkontru ho Primeiru Ministru iha Rezidensia ofisial PM Farol Dili, kinta (31/03/2022).
Nia akresenta, orientasaun sira ne’e haree liu ba fatin no servisu sira ne’ebe ligadu ho Primeiru Ministru nian durante ne’e. Enkuantu kargu interina ne’e hahu iha loron 02 fulan marsu to’o kampaña remata.
Jornalista : Juvita dos Santos
Editor : Agapito de Deus
