Lafaek News–ohin tuku 06 liu minutu 10, impaktu husi soldadura rezulta ahi han armajen ida iha Raikotu suku Komoro sasan barak la konsege salava.
Jornalista lafaek News, tenta konfirma ho sasin Julio da Carvalho da Costa, katak inséndiu Raikotu deskonfia ahi husi soldadura.
Ha’u ohin ahi han primeiru ha’u ho Xineza ida mai uluk hasai sasán iha laran maibé, depois gás nakfera tan iha laran entaun ha’u mós halai sai hotu ba li’ur,’’ katak Julio ba Lafaek news iha fatin akontesimentu Raikotu, sesta (11/02/22).
Sasan ne’ebé konserva iha armajen ne’e nia-laran maioria material konstrusaun hanesan, triplex, vidru odamatan, material eletrisidade nian inklui sasan uma hanesan kulixaun ho sumasu kama, sasan hirak ne’e la konsege salva tanba tensaun ahi iha uma laran sa’e as rezulta suar hafalun fatin akontesimentu susar ba ema atu salava sasan hirak ne’e husi armajen laran.
Husi akontesimente ne’e, liu tiha minutu 10 hafoin parte autoridade seguransa PNTL eskuadra Komoro, ho ekipa bombeirus too kedan iha fatin akontesimentu hodi halo intervensaun ba ahi ne’ebé trampa sa’e ho volume as.
observasaun lafaek news nota, iha akontensimentu refere la rezulta ema ruma kanek no la fo impaktu ba komunidade sira nia uma, maibé sasan hotu iha armajen laran kuaze salva de’it porsentu 10, porsentu 90 ahi han mos lakon.
Jornalista : Egidio Nono
Editor : Agapito de Deus
